Bo día cativada e familias!
Hoxe en Barreiros saiu o sol e cantan os paxariños, están ledos porque chegou a primavera! Dá gusto asomarse á venta e escoitar como lles cantan uns aos outros. Esta é unha estación moi bonita, poderiadesme decir en que se distingue do inverno?
Hoxe imos traballar un pouquiño de lóxica matemática.
Os nenos de 4º de Educación Infantil van traballar o conteo e a subitización (capacidade de recoñecer no momento o número de dedos ou puntiños do dado de xeito momentáneo, neste caso), contanto o número de paxariños e indicando cal é a opción inferior correcta, podenos levar un tempo, o que non podemos permitir é que vaian indicando todas as opcións e ao final o fagan por decarte.
Os pequenos e pequena de 5º de Educación Infantil van traballar coa recta numérica do 10, recoñecendo que número é o que está mal, dicindo cal sería o correcto e escribíndoo nun papel. Tamén poden intentar completar algúns dos números da táboa do 100 con axuda, que teñen os alumnos e alumnas de 6º.
Os nenos e nenas de 6º de Educación Infantil van traballar cos amigos do 10, isto xa o fixemos algunhas veces na aula, pero quizais necesiten que lles botedes unha man. Trátase de ver tódalas posibilidades nas que se pode descompoñer o 10 (2+8, 3+7, 8+2, ata completalas todas). Tamén deberedes completar a táboa do 100 primaveral.
Fichas deseñadas por Recursos EP
E xa para completar, deixovos unha actividade que ten forma de reto e que de xeito lúdico estarán traballando a lóxica matemática sen decatarse. Debedes escoller as probas que lles poñedes, xa que dentro do documento hainas máis sinxelas e máis complicadas. Estas últimas con demasiado nivel para os nenos de 4º e algunhas tamén para os de 5º. Podedes facelo de xeito que cada vez que consigan superar un reto lles deades un obxecto (un botón, pinza, pegatina, ou o que se vos ocorra) e cando consigan o número que vos estipuledes, gañen a posibilidade de algo que a eles lles guste, "cantar a canción que máis lles guste moi alto", "escoller a merenda", está nas vosas mans. Moita sorte!
Tarxetas deseñadas por Orienta Media Gabinete Psicopedagóxico.
Lembrade que non é necesario imprimir ningunha destas actividades, podemos velas dende a pantalla e ir escribíndoas nun papel.
Lembrade que non é necesario imprimir ningunha destas actividades, podemos velas dende a pantalla e ir escribíndoas nun papel.
Saudiños para todos e todas!
Ningún comentario:
Publicar un comentario
Lembramos aos usuarios do blogue que para publicar un comentario hai que ter en conta que debemos utilizar un vocabulario e ortografía axeitados e sempre co debido respecto. Non se aceptarán comentarios que sexan faltas de respecto ou conteñan vocabulario indebido.