FESTIVAL DE NADAL 2022 (VÍDEOS)

Temos un regaliño para desexarvos un feliz ano novo... Trátase de todas as actuacións en vídeo do Festival de Nadal 2022!

Agradecemos enormemente ás familias que nos fixeron chegar os seus vídeos e cos que puidemos facer esta humilde montaxe...

FESTIVAL

Cortos educativos Pixar

Neste episodio, Uxío (de 3º de primaria) fálanos dos tres cortos educativos de Pixar que máis lle gustaron e a ensinanza que transmite cada un deles. Anima a toda a rapazada a que os vexan. 

FESTIVAL DE NADAL

 FESTIVAL DE NADAL

 

 

 

Estimadas familias, comprácenos comunicarvos que de novo volvemos celebrar o festival de nadal.

Terá lugar o vindeiro xoves día 22 de decembros ás 10:00 horas

 Constará de dúas partes:

1ª parte: 10:00 a 11:30 horas apros.

Descanso: 11:30 - 12:00 e RIFA DUHA CESTA DE NADAL( os cartos recadados serán destinados no 50% para a excursión de fin de curso do todo o centro e o outro 50% a unha causa benéfica que se especificará con posterioridade).

2ª parte: 12:00 a 13:00 horas aprox.

Esperamos a vosa asistencia 

FELICES FESTAS!!! 

 

 

FINAL DE TRIMESTRE EN METEOMOECHE

Aínda que podedes seguir enviando capturas que serán publicadas á volta, MeteoMoeche fará a última recompilación de fotos deste 2022. Temos que agradecer enormemente a cantidade de propostas que nos facedes chegar a "meteomoeche@gmail.com". Comezamos coas desta semana!

A primeira fáinola chegar Adriana (infantil). "Ceo ovellado, mañá mollado" di o refrán, haberá que preguntarlle se nesta ocasión se cumpriu. E por suposto o cabalo, emblemático no noso concello tomando protagonismoda instantánea.

Iria (5º primaria) achéganos esta imaxe do tamén ovellado pero cun xogo de luz que fai pensar que o Sol domina á noite...

Noa Caneiro (5º primaria) tamén quere facer ver o refrán coas súas dúas fotos tomadas desde diferentes ángulos.

Óscar (5º primaria) quere sorprender a todos cun marabilloso amencer nas Barbelas...

E pechamos con outra foto de Noa, cun dos clásicos desta sección, o arco da vella.

CHRISTMAS JUMPER DAY

O pasado venres 16 de decembro celebramos o "Christmas Jumper Day", unha actividade solidaria que realizamos en colaboración con "Save the Children".

O centro encheuse de cor e alegría cos xerseis navideños, tanto comprados coma caseiros. Todo un espectáculo!

E, ademais, conseguimos xuntar moitos cartos que doaremos a nenos en lugares vítimas de conflito ou cunha situación de risco extremo. Moitas grazas a todos por colaborares!

Aquí deixamos unhas imaxes dos vistosos xerseis:

TRÁILER "HOXE NO NADAL ANDALUZ"

Estes días están as nenas e nenos a tope preparando as diferentes representacións que van a realizar o vindeiro 22 no Festival de Nadal. E como todos os anos o grupo de 5º e 6º, Históric@s 7.0 quere darvos un pequeno adianto do que vai a ser a súa obra de teatro "Hoxe no Nadal andaluz". Isto é o seu tráiler, imaxinádevos a obra!!!

PODCAST GRAVADOS EN RADIO FENE

Pois xa están aquí os podcast que gravaron en Radio Fene as nosas alumnas/os de 5º e 6º dentro da formación de radio que fixeron con eles. Pódense escoitar desde hoxe ata o 23 de decembro no dial 107.7 e tamén na seguinte web:

PODCAST

TALLER DE BÓLAS DE NADAL

Unha vez máis, o alumnado tomou o mando. E de que maneira... as nosas xa coñecidas ludotecarias propuxeron para toda a rapazada do cole un interesante taller para realizar bólas de Nadal que poderán levar á súa casa e colocar na súa árbore todas aquelas persoas que participen. Non faltou detalle, pois tiñan todo preparado para que os/as anotados/as disfrutasen da actividade. Debido ao gran volume de anotados tiveron que facer dúas quendas, a desta mañá e a do vindeiro martes. Un olé para as nosas ludotecarias que dinamizan xenial este espazo. Parabéns!!!

O VOO DA BUBELA, CON MIGUEL ANXO ROMERO LÓPEZ

Hoxe foi un día especial no cole. Dunha idea como moitas outras xurdiu unha gran xornada que de seguro quedará na memoria da rapazada modestina. Coma moitas outras veces, o alumnado de 5º e 6º quixo elaborar un contacontos para os máis peques, foron á biblio e escolleron unha lectura. 

"Collemos este, que de poemas nunca fixemos". E aló que foron. O voo da bubela, escrito por Miguel Anxo Romero López foi a lectura escollida e prepararon un Kamishibai colleita propia de inicio a fin. Dá a casualidade que os profes tivemos contacto co autor e preguntámoslle se lle gustaría asistir de oínte ao contacontos do seu propio libro. Miguel Anxo non dubidou...

Dito e feito, esta mañá as nenas e nenos contáronlle o conto a toda a escola coa presenza do autor. Trala lectura puidemos ter uns minutos de coloquio con el, onde nos falou sobre a súa obra e ao final démoslle un pequeno agasallo. Seguro que Modestina o vai acompañar no seu fogar a partires de agora.

Pero a historia non acababa aí, senón que tamén pasou polos micros de Radio 23, onde lle fixemos unha pequena entrevista que podedes escoitar aquí:

Tamén deixamos algunha foto do día:

MOITÍSIMAS GRAZAS POR ESTE DÍA MIGUEL ANXO!!!

ESTA SEMANA EN METEOMOECHE...

Unha semana máis, aquí temos o noso observatorio cunha morea de fotos que nos facedes chegar a "meteomoeche@gmail.com". Comezamos!

Comezamos con este Halo Lunar, que nos fai chegar a profe Yaiza. Aínda que non é moi común en zonas que non son tan fría podémolo ver en contadas ocasións cando cando a luz da lúa refráctase (coma se doblase) a atravesar critais de xeo. Para iso ten que ocorrer que haxa nubes moi altas e, sobre todo, frías.

A nosa amiga Briana (infantil) fai estrea nesta sección cunha preciosa foto tomada na cidade de A Coruña, tamén chamada herculina porque a torre que no ensina Briana chámase Torre de Hércules. Ao seu lado, un fermoso arco da vella.

E rematamos esta semana con dúas fotos de Noa Fraga (infantil), que ela titula "Nubes bonitas". Pois si Noa, esta combinación de cúmulos e estratos quedou ben fermosa en Abade.

NOTICIARIO 23!

A Radio 23 ten unha nova sección. Trátase do noticiario 23. Resulta que para traballar as noticias aos Históric@s pareceulles ben facer un noticiario a través de podcast de radio, e alá que foron. Mirade esta estrea cunha nova sobre o festival de Nadal!!!

SOLUCIÓNS AO CONCURSO "LUGAR SEGREDO"

Foron moitas as respostas recibidas para o concurso do lugar segredo e a verdade que estivo moi ben e fixérono todas/os de marabilla, polo que Históric@s 7.0 decidiu darlle un agasallo a todo o que participou (xa están chegando as vosas casas). Parabéns e grazas!

Deixamos vídeo coa solución:

CONCURSO DE LEMAS 25 N

Hoxe foi un día especial, pois tivemos a visita de Pilar e Ana , encargadas da área de cultura e igualdade no Concello.

Todas as nenas e nenos do cole fomos ata a biblioteca. Alí falamos do significado deste día, así como dos lemas tan traballados e orixinais que escribiron as rapazas e rapaces.

Pilar e Ana fixeron entrega dun diploma e dunha libreta a todos os alumnos que participaron, un ano máis, no Concurso de Lemas organizado polo Concello.

Este ano os alumn@s premiados foron os seguintes:

-1º PREMIO: María Rico, que recibiu o libro de “Sainza a Punkiereteira”

-2º PREMIO: Estrela Calvo, que recibiu o libro de “Pioneiras 2”

-3º PREMIO: Adrián Muíño, que recibiu o libro de “Vivan as uñas de cores”

Grazas a todos por participar! E grazas Concello de Moeche por esta actividade!

Aquí vos deixamos unhas fotos deste día:

ESTA SEMANA EN METEOMOECHE...

O noso observatorio meteorolóxico xa comeza a funcionar como outros anos coa chegada de varias propostas das familias e profesorado.

A primeira foto nola fai chegar dúas irmás: Oihane (4º de primaria) e Uxue (infantil). Nela podemos ver un arco da vella que amosa toda a súa gama de cores!

Noa (5º de primaria) quere ensinarnos unha tormenta que deixou moita auga na súa visita a Porto do Son. Encántanos cando viaxades e vos acordades de MeteoMoeche!

Noel (infantil) quixo tomar el mesmo unha foto do arco da vella. Todo un profesional con só 5 anos!

E a última é cortesía da profe Yaiza, que antes de entrar no cole visualizou este espectacular arco da vella. Esperamos verte moito por este foro Yaiza!

CHARLA PLAN DIRECTOR

Como todos os anos, acollemos no centro a charla do Plan Director para o alumnado de 5º e 6º. Este ano o tema era sobre o acoso escolar, moi importante nestas etapas.

Coa presenza de Sara aprendemos moito sobre este tema e, sobre todo, collemos moitas ferramentas para deter este tipo de situacións. Moitas grazas Sara pola túa implicación un ano máis.

CHISTES DE HIPÉRBOLES

Históric@s 7.0 quere contarvos o que é unha hipérbole, e non hai mellor maneira que cunha rolda de chistes!!!

DÍA DA INFANCIA 2022

O día 20 de novembro celébrase o Día da Infancia. Ao caer en domingo decidimos trasladalo ao martes, xa que fomos invitados polo Concello de Moeche a asistir a un pleno infantil. 

Días antes xa comezamos a traballar sobre a temática, que este ano versaba sobre saúde mental. Partimos das ideas reflexadas en libros que temos no cole sobre educación emocional, e conversamos moito, creamos materiais que reflectían o que sentíamos e, como colofón, expuxemos as nosas conclusión no pleno infantil. Un pleno no cal tamén participaron as nenas e nenos do CLIA (tamén alumnas/os do centro) contándonos as propostas que levaron a pasada semana ao Parlamento de Galicia.

Asemade, tamén recibimos un dos buzóns de suxerencias que o CLIA vai instalar en tres lugares do concello para recibir propostas.

Foi unha xornada moi bonita e de grandes aprendizaxes. Moitas grazas ao Concello por invitarnos e darnos voz!

TORNEO DATCHBALL

O Datchball é un deporte que causa moito furor dentro do alumnado do San Ramón, tal é así que ata fixemos un torneo nos recreos. Houbo catro equipos participantes: Bam Bam, Pro Players, Pelotazos e Me da igual.

O torneo disputouse en dúas fases: unha liga regular onde todos xogaban contra todos para obter unha clasificación que lles permitía xogar a final de consolidación ou a Gran Final.

Foi o equipo Pelotazos quen foi o claro destacado da liga regular gañando o pleno dos seus encontros e clasificándose para a gran final contra un Bam Bam que accedía despois de ter un triple empate na segunda posición que se resolvía por diferencia de sets, dándolle a segunda plaza na final.

A 3º e 4º posto foi un trepidante encontro entre Pro Players e Me da igual, sendo os primeiros quenes se impoñían ao rival despois dun traballado 3-1.

A gran final prevíase emocionante coa gran afluencia de público con carteis e cancións de ánimos para ambos conxuntos. Emocionante partido que chegaba ao set final tras un 2-2. Neste set vivíamos unha gran actuación de todos os nenos e nenas. Foi tal a igualdade que finalmente foi un 1x1 entre Nuno e Oihane, sendo un gran lanzamento da rapaza que conseguía eliminar a Nuno e con isto darlle a victoria e o campionato a BAM BAM.

Parabén a todos/as pola participación, o gran nivel e sobre todo a deportividade amosada durante todo o torneo!!!