OBSERVATORIO DE NUBES 24 DE ABRIL

Estamos rematando outra semana máis e coma tódolos venres aquí estamos con novas nubes dos nosos meteorólogos e meteorólogas!

Podedes seguir enviándonos achegas meteorolóxicas ou que figuras vedes nas nubiñas ao correo meteomoeche@gmail.com indicando se vedes algunha forma ou que é aquilo que nos amosades, así como o nome do neno ou nena.

 Tal e como puidemos comprobar estes días, Abril non perdeu o seu carácter inestable e segue facendo das súas, hoxe calor, mañá frío, ó outro día choiva,... Pero xa lle queda pouquiño!

Carlos Beceiro enviános unha fantástica posta de sol que nos deixou este cuarto mes do ano, ollade que cores tomaron eses cirrocúmulos, que tan característicos son polas súas formas de reguiños.

"Nubes ao atardecer" de Carlos Beceiro

Asier envíanos unhas nubes que cazou e que titulou "As nubes antes da choiva", semellaba que esas nubes negras ían deixar caer un feixe de auga

"As nubes antes da choiva" Asier Fernández

A profe Sonia e a súa familia mándanos esta imaxe dun espléndido día de sol en Valdoviño, que eles titulan "Xigantes brancos sobre o monte Faro".

"Xigantes brancos sobre o monte Faro" Profe Sonia e a súa familia

Apetécevos seguir adiviñando formas nas nubes? Deixádenos en comentarios que semellan para vós. Na publicación anterior do observatorio de nubes tedes resolta a incógnita daquelas que vos amosamos a semana pasada :)

Nube 1. Noa Martínez

Nube 2. Alba del Castillo

Nube 3. Carlos Beceiro

Esperamos ver o que xorde da vosa imaxinación.

Non deixedes de mirar ao ceo, garda cousas ben fermosas para os nosos ollos!

Unha aperta de nube!

RESOLVEMOS A INCÓGNITA:

NOA MARTÍNEZ contounos que ela vía un peixe!
CARLOS BECEIRO viu un portal!

Moitas gracias por participar!