NOVOS PODCAST DE 5º

A semana pasada o alumnado de 5º podía escoller tema libre para elaborar un podcast. As únicas premisas eran que fose de interese para todos os nenos e nenas e que creasen un guion con coherencia, estruturado e boa ortografía, traballando en equipo por suposto. Acto seguido escoller músicas e repartir roles para seguir coa expresión oral. Os temas escollidos foron a visita ao Parlamento e Xunta de Galicia de aí unhas semanas e a previa da visita de María Canosa ao centro.

Esperemos que vos guste o traballo!

PROPOSTA DÍA DO LIBRO (23 ABRIL)

O día do libro, que é o 23 de abril, estase achegando e, dende o CEIP San Ramón, comezamos a propoñer actividades que son moi divertidas e que todo o alumnado pode facer.

Neste caso, queríamos conseguir que o alumnado, axudado do libro que máis lles guste, completen a portada deste coa contorna ou con eles mesmos. Para ilustralo e que se entenda mellor, deixámosvos aquí un exemplo do que estamos a suxerir:

Como vedes, pode ser moi sinxelo. Ou podedes complicalo todo o que queirades. Deixade voar a vosa imaxinación e mandade as vosas imaxes a: bibliotecaceipsanramon@gmail.com

BOAS PRÁCTICAS EN EDUCACIÓN VIARIA

Pois hai uns días solicitábamos ás familias que colaborasen con nós nunha actividade do noso proxecto de Mobilidade Sostible e Segura. A resposta foi moa boa e chegáronnos moitas propostas de boas prácticas de Educación Viaria. Resumimos todas elas nun vídeo recopilatorio. En vindeiros días teredes algunha sorpresiña máis!!!

ESTUDO SOBRE A CHOIVA

O alumnado de 6º curso quixo facer unha pequena análise sobre a choiva. Comprobaron, mediante os datos ofrecidos polos rexistros de Meteogalicia, que este ano choveu menos que anteriores. Pero mellor que volo conten eles/as nun podcast de radio que fixeron para a ocasión:

STAR WARS (Versión 5º de primaria)

O grupo de 5º de primaria, coa axuda de Alberto (na creación da historia), fixo unha adaptación do clásico de George Lucas. Para iso utilizaron a aplicación Toontastic, dentro do programa Digicraft en tu cole.

Despois dun bon guion e un reparto de personaxes tocou crear un escenario e avatares. Un bo exercicio de lingua oral remataría unha gran faena que podedes consultar a continuación:

O UNIVERSO EXPLICADO POLOS HISTÓRIC@S 6.0

Pois hoxe subimos a finalización dos traballos feitos polo alumnado de 5º e 6º, @s Históric@s 6.0, no cal falan sobre diferentes aspectos en relación ao universo. Os buracos negros, o Big Bang, os meteoritos e as constelacións foron os temas elixidos.

Divididos en grupos tiveron que facer un mural onde resumiran a información que traballaron durante os días previos, elaborar unha manualidade sobre o proxecto e gravar unha exposición oral que posteriormente editaron para subir á súa canle. Se non estades xam subscribídevos para ver os nosos vídeos!

EL SUEÑO DE BRIANA

Pois hoxe queremos ofrecervos un audioconto gravado nun podcast por un grupo de alumnos/as de 6º. Alba escribiu unha bonita historia que nos fala de como ela cre que debe ser a igualdade. Xunto cun grupo de amigos crearon un podcast no cal vos contan a historia en castelán, por ser unha actividade de dita materia.

MOITAS NOVIDADES POR METEOMOECHE!!!

Pois temos unha boa tanda de fotos pendentes de ensinarvos no mellor observatorio do mundo mundial. Xa sabes, se queres subir unha non tes máis que mandala a "meteomoeche@gmail.com

Comezamos cunha foto moi chula que nos envían Rodrigo e Marcelo (ambos de infantil). Trátase dun solpor en Valdoviño, unha preciosa toma que realizaron os nosos amigos.

Non podían faltar as fotos da teacher Alba que nos mostran un fermoso arco da vella sobre o mar e unha gran vista sobre a Punta Frouxeira, tamén no concello veciño de Valdoviño.

Carolina (4º primaria) quere mostrarnos unha formas curiosas das nubes na entorna do seu fogar. A que se vos parecen?

A outro bonito lugar nos leva a mestra Judit para ensinarnos outro solpor en A Capela. Da mesma maneita, aproveitou a primeira tarde de primavera para dar un paseo polo lago de As Pontes e ver como comezaba a estación das flores alí. 

Cerramos cun vídeo que nos mandan Adrián (1º), Martín (infantil) o o mestre Abel, que subiron ata Punta Candieira para ver como se meneaba a súa estación meteorolóxica cos fortes ventos. Houbo rachas de 70 km/h ese día!!!

BOLSAS: BECAS DE EDUCACIÓN

 O sábado 10 de marzo publicouse no BOE a nova convocatoria de bolsas de carácter xeral para o curso 2022/2023.

Modifícanse os prazos e o procedemento de xestión das solicitudes.

O prazo para presentar as solicitudes é do 30 de marzo ao 12 de maio, inclusive.

A presentación realízase a través da sede electrónica do Ministerio de Educación.

Nunha 1ª Fase preténdese realizar as comprobacións económicas.
As unidades de tramitación de bolsas revisarán os datos persoais e familiares necesarios para a comprobación da renda e patrimonio familiar e enviarán as solicitudes á Axencia Tributaria para o seu cálculo.

Nunha 2ª fase informarase os solicitantes do resultado das comprobacións económicas anteriores, dándolles un prazo para formular alegacións se procede.
Doutra banda, informarase tamén do procedemento e prazo para que poidan modificar a súa solicitude inicial, no relativo aos datos académicos.

Máis información na seguinte ligazón:
https://www.becaseducacion.gob.es/portada.html

A convocatoria de axudas para alumnos con necesidades específicas de apoio educativo publicarase despois da convocatoria xeral, a partir do mes de maio.

NOTA MENÚS

 Debido á estes días de folga no sector do transporte, o menú desta semana poderá verse modificado.

Esperamos que esta difícil situación se resolva canto antes.

PODCAST "A DERROTA DO AMOR"

Temos un novo podcast de radio para compartir con todos/as vós!

Na materia de Lingua Galega estabamos a traballar os contos. A nosa alumna Lara, de 6º de primaria, sorprendeu cun conto moi bonito que pensamos podería ser unha boa proposta para Radio 23. Un pouco e música ambiente, efectos e un grupo disposto a poñerlle voz e listo!!!

TEATRO NA ESCOLA!!!

Hoxe tivemos a gran sorte de contar no cole con dous pedazo de artistas como son Félix Rodríguez e Fran Rei, quenes deleitaron aos nosos peques co seu espectáculo "Sabooorr". Comedia, música, malabares, maxia e moito máis foron os agasallos que nos deixaron hoxe no patio de recreo. Pasamos un rato incrible e, desde aquí, queremos felicitalos tamén pola súa capacidade de adaptación ao imprevisto que houbo co corte de luz. Nin moito menos lles fixo parar, senón que continuaron dun xeito moi profesional e facendo que non se notara en absoluto a necesidade de micros e música no seu show. Grazas!!!

FOTOS

MODIFICACIÓN DO MENÚ POR AUSENCIA DA COCIÑEIRA

Debido a ausencia da cociñeira e ao non mandar a unha persoa que cubra esta ausencia, vímonos na obriga de modificar o menú do mércores 9, xoves 10 e o de mañá.

Desta maneira, mañá tomaremos pastelón de xamón e queixo, arroz branco con salchichas e piña natural.

EXCURSIÓN A SANTIAGO

O pasado mércores tivemos unha clase de Sociais moi diferente. Grazas ao programa "Coñece as túas institucións" gozamos da oportunidade de coñecer por dentro tanto o Parlamento como a Xunta de Galicia.

No Parlamento, ademais, participamos nun minuto de silencio en homenaxe ás vítimas da guerra cos 75 deputados/as. Tralo mesmo, tivemos a oportunidade de conversar con membros/as dos diferentes grupos políticos que toman as decisións no hemiciclo, o cal foi moi gratificante para a rapazada. Ademais escoitamos varias intervencións en directo dun pleno, vendo a realidade práctica de todo o que nos contara o guía Hixinio con anterioridade.

Acto seguido cambiamos de escena cara o edificio da Xunta de Galicia. Alí sentámonos na mesa do Consello de Goberno e comprendemos como se toman as decisións que afectan á cidadanía directamente.

Finalizamos o día en Santiago comendo baixo cuberto, pois fixo un día de moita choiva...

Algunhas fotos do día:

FOTOS

8M

No CEIP San Ramón, para celebrar o 8M, día internacional da muller, fixemos un proxecto conxunto.

Para comezar, escoitamos atentamente a canción "Las hadas existen" de Rozalén.

Unha vez escoitada a canción, o alumnado escribiu nunha nota adhesiva quen era a súa fada para pegala despois no mural que fixemos polo 8M.

Aquí vos deixamos un video con algunhas imaxes acompañadas da canción de Rozalén. 💕

WOMEN'S DAY

Na clase de inglés de 3º de primaria, fixemos un acróstico con "WOMEN'S DAY". O alumnado apoiouse do uso de dicionarios bilingües e tablets para buscares palabras que mellor representan ás mulleres. 

COMO FACER UNHA ESTACIÓN METEOROLÓXICA CASEIRA

No cole comprobamos os datos da nosa meteoroloxía usando unha estación meteorolóxica dixital que mide todos os factores de xeito moi preciso. Está xenial e permítenos coñecer un montón de cousas para aprender moito. Pero... algunha vez pensaches en facer unha caseira???

Se non sabes como facelo non te preocupes, Alberto e Mara (alumnos/as de 6º curso) van ensinarvos como podedes creala. 

Se vos animades con unha podedes enviarnos unha foto ou un vídeo a "meteomoeche@gmail.com"

PORRIDGE

Na clase de inglés de 4º de primaria, estamos aprendendo as rutinas diarias. Nunha lectura apareceu a palabra "porridge", que é un almorzo moi típico inglés, e non se nos ocorreu mellor idea que facelo para aprender de que se compón. So delicious!

TALLER DA FUNDACIÓN OXÍGENO

 A Fundación Oxígeno acudiu este pasado xoves ao noso cole para realizar con nós un taller de concienciación ambiental.

Explicáronnos cousas moi interesantes e impactantes! Se contaminamos, non só estamos danando ao planeta; danámonos a nós mesmos! Pois chegamos a inxerir arredor de 5g de microplásticos á semana. Microplásticos que, á súa vez, tomaron as especies mariñas.

Tamén tivemos a oportunidade de ver ovos de mantarraias, o esquelete dun ourizo de mar, cunchas de distintos bivalvos... e rematamos facendo un xogo de reciclaxe.

Quedamos abraiados da cantidade de lixo que pode chegar aos nosos mares!! 

NOVO PODCAST DE RADIO DO NOSO ALUMNADO!

Como xa sabedes, o pasado mes celebramos no centro un torneo de billarda con alta participación por parte do alumnado. Pois hoxe tivemos a oportunidade de entrevistar, en Radio 23, á gañadora EMILLY MÉNDEZ RAÑAL.

Este podcast foi elaborado, de inicio a fin, por Lara, Mara, Enma, Nuno e a propia Emilly. Esperemos que vos guste!!!

COMEZAMOS MARZO CON METEOMOECHE!!!

Pois non arrinca nada mal o mes de marzo para o noso observatorio, pois recibimos instantáneas desde varios puntos de Galicia. Contámosvos o que recibimos en "meteomoeche@gmail.com"!!!

En primeiro lugar comezaremos por esta tremenda foto da Illa de San Sadurniño, en Cambados. Tráena a mestra Alba (teacher) e tal e como ela di "Ten unha luz espectacular"

Agora, tamén coa teacher, nos desprazamos a Vilaxoán de Arousa, onde se pode disfrutar deste fermoso solpor. Que preciosas vistas ten a nosa amiga aló polo sur.

Héctor, 3º de primaria, ofrécenos dúas fotos onde podemos ver como o ceo torna dunha cor rosada. Iso prodúcese nalgúns amencer e solpores. É un fenómeno resultado da dispersión da luz na atmosfera, no momento en que o ángulo do sol co horizonte é menor que un 10%. Ás veces toma tamén cores anaranxadas ou encarnadas, como xa presentamos nesta sección anteriormente: o candilazo!

E que nos dicides de como se ve a néboa baixa sobre o mar en Cedeira? Mil grazas á profe Lucía por achegarnos esta foto!