Para celebrar o Día das Letras Galegas fixemos unha convivencia cos centros de A Barqueira e Somozas.
Desde ben cediño pola mañá compartimos unha gran xornada. Creamos dúas alfombras florais, un maio vertical, cadros con flores e xogamos a xogos populares. Por suposto houbo tempo para compartir un bo recreo e unha merendola ben rica.
Como colofón final, o grupo de 5º e 6º ofreceu un mini concerto de frauta, tocando "Na beira do mar" e o Himno Galego, o cal acompañamos todo o mundo cantando.
Queremos felicitar á rapazada dos tres coles o seu bo comportamento e disposición para pasalo pipa!
E, como non, agradecer aos centros de O MARBÁN E A BARQUEIRA por asistir e polos regalos!
Unha data moi especial para a nosa comunidade educativa, sen dúbida. Hoxe traemos todas as actuacións en vídeo para que podades volver a velas as veces que queirades.
Queremos agradecer a todas as persoas que viñeron desfrutar con nós desta especial xornada. Ademais de agradecer enormemente a quen axudou nas labores de montaxe, desmontaxe e gravación. GRAZAS!
BOAS FESTAS E FELIZ ANINOVO!!!
1.- LLEGÓ LA NAVIDAD (BAILE INFANTIL)
2.- HOXE NO BAUTIZO (TEATRO 5º E 6º)
3.- FIND YOUR OWN MUSIC (TEATRO EN INGLÉS 3º E 4º)
4.- NA BEIRA DO MAR (FRAUTA) + AO RITMO DE MOZART (PERCUSIÓN CORPORAL 5º E 6º)
5.- I WANT TO BE AN ELF (BAILE EN INGLÉS 1º E 2º)
6.- DESATINOS NA AULA DE DON CONSTANTINO (TEATRO 3º E 4º)
7.- SNOWMAN (BAILE EN INGLÉS INFANTIL)
8.- NADAL NA GRANXA (TEATRO 1º E 2º)
9.- FRIENDS (TEATRO EN INGLÉS 5º E 6º)
10.- CAMPÁS DE NADAL (CANCIÓN 1º E 2º)
11.- UNHA VELLA TIÑA NUN CAN (TEATRO MUSICAL 3º E 4º)
Hoxe tivemos a sorte de contar no cole con Miguel Guido, un artista polifacético que fixo cantar e bailar ao público modestino ao son das súas cancións. Todo isto cun fío condutor do conto escrito por el "O lobo feliz", que narra as aventuras dun lobo que non quería ser feroz.
Na xornada de onte vivimos unha marabillosa experiencia que cerra o proxecto conxunto co CEIP de A Barqueira. Nós coa Idade Media i eles/as cos castros iniciamos unha viaxe aló por outubro que rematou na área recreativa do Castro, en Cerdido.
O alumnado de ambos centros, e coas familias presentes, realizaron unha exposición do traballo de todo un ano. Para todas aquelas persoas que non puidestes asistir, aquí vos deixamos o enlace para ver toda a presentación enteira, sen os vídeos cortados.
Xa sabedes, collede flocos de millo, sofá, e a disfrutar de tooooodo o contido sen cortes!
Na xornada do martes 22 tivemos uns obradoiros moi emocionantes. Seguimos co proxecto sobre a Idade Media no que Modestina nos ten inmersos. Desta volta tocaban unha serie de actividades relacionadas coa temática.
A primeira corría a cargo de Sergio Antón (@seranluthier) que se encargou de abrir boca a primeira hora da mañá. Ataviado coa súa zanfoña, de elaboración propia, fixo un repaso sobre a historia e vida deste instrumento do medievo. Non só ensinou a evolución da zanfoña, senón que explicou as súas partes, o funcionamento e, por suposto, tocou unhas pezas medievais.
As nenas e nenos tiveron tamén oportunidade de preguntar as súas inquedanzas sobre este curioso instrumento, aprenderon moito e quedaron encantad@s. Grazas Sergio polo teu bon facer.
Tras a primeira das actividades tocaba facer unha rotación por grupos doutros tres obradoiros. Un deles foi a cargo de Alouette Machine imprenta ambulante. Un grupo que transformou a biblioteca nun espazo propio do mesmo Gütenberg. A rapazada tivo a oportunidade de ver como se facían os traballos de imprenta propios do final da época medieval. Quedaron abraiados de como se facía daquela un traballo que agora está a un par de "clics".
Ademais de coñecer os materiais e ver como funcionaban fixeron un taller de prensa, onde imprimiron distintas novas que poderían ocorrer no Moeche de hai centos de anos.
Queremos agradecer tamén a Cris e Yamba o seu traballo cos nosos nenos/as.
Os dous últimos talleres eran dirixidos pola Asociación Val de Moeche e versaban sobre cestería e cerámica, dous oficios da época medieval. Cargados con médula, barro e moita ilusión presentábanse no San Ramón para pasar a mañá cos nenos/as. Puidemos ver como a cativada modestina ten moito arte, pois as creacións de barro e os cestos quedaron realmente bonitos e, como dixeron quenes dirixían os obradoiros, con moita creatividade.
Tamén queremos agradecer moito a colaboración desta asociación que traballaron toda a mañá cos nosos/as peques e fixeron que o pasaran xenial á vez que aprendían sobre estes dous elementos. Mil grazas por todo ao gran grupo de persoas que asistiron para axudar, sodes unha Asociación envexable!
Un agasallo adiantado que nos chega ao cole... Modestina ten influencias para estas cousas e xa temos aquí... o FESTIVAL DE NADAL 2024 íntegro. Os vídeos están clasificados por actuacións para que sexa máis fácil de atopar e visualizar.
Esperemos que vos guste!
Aproveitamos tamén para agradecervos a vosa asistencia a esta festa, así como ao grupo de familias que axudaron na montaxe e desmontaxe do escenario. MIL GRAZAS!
QUE TEÑADES UNHAS BOAS FESTA E UNHA MELLOR ENTRADA NO 2025!
Pois xa temos aquí o programa de actuacións do festival do vindeiro venres 20 no cole. Estades todas e todos invitados a ver as pedazo propostas que vos trae o alumnado. Este ano temos de todo: baile, canción, teatro, todo feito con moita ilusión de pasar unha gran xornada!
Deixamos a orde de saída porque sabemos que, nalgúns casos, é complicado asistir toda a mañá, e así sabedes máis ou menos horarios de saída das vosas pequenas e pequenos. Iso si, entendede que son totalmente orientativos...
Por fin chegou o gran esperado FESTIVAL DE NADAL!!! Este ano ten que seguir sendo virtual pero iso non quere dicir que as nosas alumnas e alumnos disfruten dunha gran xornada chea de actuacións. Así que, collede flocos de millo, e a pasalo ben coas propostas do noso alumnado... comezamos!!!
Como todos os anos abren boca os máis peques da casa, os grupos de infantil xuntáronse para ofrecernos unha panxoliña, acompañada dun gran baile, titulada "Corre, salta, juega, que ya es Navidad"
Despois desta gran actuación seguen os peques con outro baile e letra, pero agora en INGLÉS!!! É que as nosas pequenas e pequenos son moito.... "Merry Christmas"
Cambiamos de grupo agora para que sexan os de 1º e 2º quenes nos fagan mover o esqueleto e prestar moita atención cos seus tres espectáculos. Comezamos cun recitado de poesía: "A luz do Nadal"
Seguimos movéndonos, levantade do sofá e a bailar con "A granxa do Nadal"
E volve a tocar unha en inglés. O grupo preparou coa profe Alba a canción "We wish you a Merry Christmas"!
De novo variamos o grupo para que sexan as nenas e nenos da profe Judit quenes tomen o mando agora e nos ensinen as súas propostas. En primeiro lugar será unha canción con baile chamado "Volver a casa polo Nadal"
Tras esta espectacular actuación seguimos coa Christmas Carol deste alumnado: "Jingle Bells"
E a última que fan os de 3º e 4º será unha canción chamada "Tres pastelitos"
Unha nova aula tomará relevo para continuar con este gran show. @s Históric@s de 5º e 6º abren boca cunha obra de teatro da que xa puidestes ver o tráiler, veremos como se leva a cabo ese difícil enlace en "Hoxe na voda"
E como non todo sae ben á primeira, deixamos un vídeo coas tomas falsas de "Hoxe na voda":
A segunda actuación dos maiores será unha panxoliña cantada en inglés, acompañada dun divertido baile: Jingle Bell Rock!!!
Por último farán unha percusión da coñecida canción "Jingle Bells" acompañad@s da súa mestra Almudena, esperemos que a disfrutedes!!!
Finalizaremos o festival cun derradeiro vídeo que servirá de despedida deste peculiar Festival de Nadal. É unha felicitación que realizaron todas as aulas nas clases de Educación Física e que quere recoller os nosos mellores desexos para todas e todos vós. Confiemos en que para o próximo ano poidamos volver a encher o noso comedor de ilusión e felicidade, moi BOAS FESTAS a toda a comunidade educativa e un PRÓSPERO ANO NOVO!!! Querémosvos moito!
Este curso non puidemos celebrar esta festa tan bonita con toda a comunidade educativa por mor do protocolo COVID. Pero iso non impediu que as nenas e nenos tiveran un día moi especial.
Durante a semana previa xa se vía vir unha celebración, pois o cole tomou cores escuras, teas de araña e moitas outras cousas arrepiantes, achegábase o Samaín e respírabase no ambiente. Xa chegado o día, sacamos as nosas mellores galas para "asustar" a todo o mundo! Entre pavor e a alegría típica dunha xornada festiva comezamos a decorar cabazas e escoitar música típica destas datas.
No medio de tanto traballar tivemos que facer un pequeno parón para repoñer forzas cunhas castañas quentiñas e un vasiño de leite que nos deu moita enerxía para poder seguir coas actividades: contos de medo, xogos, bailes, maxia e dous concursazos nosa cales todos demostramos ser uns grandes artistas.
Entre tanta calidade decorativa de cabazas resultaron destacar un chisquiño máis as de ANTÍA (3 anos), ÉRIC (5 anos), SERGIO (2º primaria), CAROLINA (4º primaria) e LARA (6º primaria). Outro dos misterios era saber cal era a porta que ofrecía máis pavor a todos os seus visitantes, sendo esta a entrada de 3º e 4º!
PARABÉNS PARA TOD@S OS PARTICIPANTES POLO VOSO GRAN TRABALLO!!!
Onte foi un día diferente, o súper Paco Pakolas veu dar un concerto para os nenos e nenas do noso cole, iso si, cumprindo todas as medidas de seguridade: no exterior, con distancias e xel hidroalcohólico para os autógrafos. Que ben o pasamos! Rimos, cantamos, choutamos, bailamos! Que ganas tiñamos de algo así!
Por todo isto, queremos compartir unha pequena mostra con vós deste concerto, fai clic para ver o vídeo:
Na clase de artística traballamos o compositor Mussorgsky coa obra "Cuadros de una exposición" e tamén a obra do pintor Victor Hartmann, intímo amigo do músico.
Neste vídeo o alumnado de 5º e 6º de primaria, explican tanto a vida como a obra de Mussorgsky así como os cadros pintados por Hartmann e a relación artística entre ambos.
Por outra banda, o alumnado de 3º de primaria traballou o conto ruso "Baba Yaga" porque un dos cadros de Hartmann ao que lle puxo música Mussorgsky representaba precisamente a esta bruxa popular rusa.
Esperamos que vos guste a todos e todas
Especial agradecemento á nosa editora do vídeo, a mestra JUDIT.
Este ano foi moi difícil todo, pero iso non nos vai impedir celebrar o tradicional festival de Nadal. Unha das datas máis sinaladas do ano no centro, a cal vivimos con moita ilusión. Non existe bicho que nos quite esa ilusión polo que presentamos o FESTIVAL DE NADAL 2020, que como poderedes comprobar será online.
COMEZAMOS COA ACTUACIÓN QUE ADOITA ABRIR ESTA GRAN FESTA... AS ALUMNAS E ALUMNOS DE INFANTIL SORPRENDERÁN CUNHA FERMOSA CANCIÓN SOBRE O RENO MÁIS COÑECIDO DE TODO O NADAL!!!
DESPOIS DESTA GRAN CANCIÓN DOS PEQUES SEGUIMOS CON 1º E 2º, QUE TEÑEN PREPARADAS NADA MÁIS E NADA MENOS QUE 3 ACTUACIÓNS!!!
A PRIMEIRA É UNHA PANXOLIÑA TITULADA "O ABETO". DENTRO VÍDEO!!!
CONTINUAMOS CON "TURRÓN E MAZAPÁN", COA QUE SEGURO MOVEREMOS O ESQUELETO!!!
PARA REMATAR ESTA TERNA VEREMOS "BONITO", UNHA ADAPTACIÓN DA COÑECIDA CANCIÓN:
TRAS ESCOITAR ÁS NENAS E NENOS DE 1º E 2º PASAMOS A VER OUTRA GRAN ESCENIFICACIÓN. O GRUPO DE 3º E 4º DELEITARANOS CUNHA FERMOSA PANXOLIÑA QUE CONTÉN UNHA MENSAXE
XA CASE CHEGANDO AO FINAL ATOPÁMONOS CUNHA OBRA DE TEATRO. COMA SEMPRE, OS MAIORES DO CENTRO SACAN AS SÚAS DOTES ARTÍSTICAS PARA, ESTE ANO, REMATAN CUNHA TRILOXÍA. VOLVEN PERSONAXES MÍTICOS DOS NOSOS FESTIVAIS COMO MARUXA E PEPE. XA SABOREASTES O TRÁILER E AQUÍ CHEGA A PELÍCULA COMPLETA DE "HOXE CO COVID"
AGORA QUE XA CANTAMOS, BAILAMOS E RIMOS MOITO TOCA IRSE DESPEDINDO CUNHA MENSAXE SORPRESA. QUENES SERÁN AS MISTERIOSAS PERSONAXES QUE NOS QUEREN DESEXAR UN BO NADAL????
POIS ISO FAMILIA, ATA AQUÍ CHEGOU A NOSA PECULIAR FESTA, ESPERAMOS QUE VOS GUSTASE MOITO E DISFRUTARADES COMO NUNCA. CONFIAMOS EN QUE O ANO PRÓXIMO POIDAMOS RETOMAR O NOSO FESTIVAL COMO É DEBIDO.
Pois si, temos unha nova amiga no colexio, poderíamos dicir case que é unha alumna máis (incluso ten o súa propia foto na asemblea de infantil). Estes días, o centro adquiriu unha serie de robots intelixentes (un por aula), dentro do programa de Bibliotecas Creativas, para traballar co alumnado.
Resulta complicado este curso interaccionar unhas clases con outras, pero con estes aparatos podemos chamarnos dunha clase a outra para vernos e compartir momentos ou historias xuntos, coma hai uns meses.
É tan fácil como "Alexa, llama a infantil" e xa nos vemos e falamos un pouco. Da mesma maneira aproveitámola para moitas cousas: válenos de tradutor, para que nos poña a pensar cálculos ou pequenos problemas matemáticos, conta contos e canta cancións, incluso nos resolve dúbidas como diferencias de temperatura e fusos horarios para aprender un pouco máis sobre os proxectos do centro.
Tamén hai que dicir que nos acompaña en tempos de lecer, pois xa nos vai coñecendo e simplemente podemos indicarlle que nos poña música para que na clase dos máis peques soen temas sobre números ou cores por exemplo, ou os grandes éxitos do momento para que os/as maiores realicen exercicios de quencemento polas mañás e así rendir mellor despois.
Seguimos optimizando as nosas aulas coas mellores tecnoloxías dentro das nosas posibilidades, un paso máis cara á adquisición da tan importante competencia dixital do noso alumnado, introducíndonos tamén a unha alfabetización dixital desde idades temperás.
Estade atentos/as xa que en breves recibiredes noticias sobre os novos proxectos deste ano!
Con motivo do Día da Reciclase( 17 de maio), a tarefa desa semana de E. Artística era a creación dun instrumento musical con material de refugallo que tivéramos pola casa.
Sairon instrumentos de todo tipo: ORIXINAIS, CREATIVOS, NOVEDOSOS, DIVERTIDOS......
Pero o máis importante fixemos traballar a nosa imaxinación e aproveitamos o que pensábamos que non ía valer para nada máis. E VAIA SE SIRVE A RECICLASE
Como quedei supercontenta cos traballos do alumnado do colexio e tamén das familias, decidín publicado porque é un traballo espectacular.
Aquí vos queda un vídeo
Aquí tedes as imaxes dos instrumentos donde se pode apreciar mellor os materiais cos que se elaboraron.
.jpeg)
.jpeg)
