Hoxe tivemos unha visita especial. Cando estábamos a traballar tan tranquilos/as apareceu o mismísimo Apalpador no cole!
Compartiu un anaco cos peques do centro e incluso ofreceunos unha sorpresa que levaba no saco. Iso si, tivemos que prometerlle que nos íamos portan ben i estudar un montón.
Moitas grazas a ANPA do cole por indicarlle ao Apalpador onde estaba a nosa escola para que puidese visitar ao alumnado modestino!
Pois xa temos aquí o programa de actuacións do festival do vindeiro venres 20 no cole. Estades todas e todos invitados a ver as pedazo propostas que vos trae o alumnado. Este ano temos de todo: baile, canción, teatro, todo feito con moita ilusión de pasar unha gran xornada!
Deixamos a orde de saída porque sabemos que, nalgúns casos, é complicado asistir toda a mañá, e así sabedes máis ou menos horarios de saída das vosas pequenas e pequenos. Iso si, entendede que son totalmente orientativos...
Esperámosvos o venres!
Como xa saberedes a estas alturas, estamos a levar a cabo este curso un proxecto sobre a Idade Media. Algo moi importante que hai que saber é encaixar este proceso na historia. Para iso fixemos unha liña do tempo...
Nas aulas dos máis peques foi Modestina quen lle contou nun vídeo que significaba iso da Idade Media e contoulles como vivían nesa época. Incluso falaron dos alquimistas (como xa comentamos en publicacións anteriores). Os maiores decidiron ir un pouco máis aló e fixeron unha gran investigación....
En primeiro lugar descubriron cales son os acontecementos que dan comezo e fin a esta etapa. A partires de aí puxéronse mans á obra para saber cales serían os 12 acontecementos que consideraron máis importantes a nivel mundial neste época. Por suposto, aparece un acontecemento moi local...
Investigación, extraer información, redactar un texto, elaborar un mural cunha liña do tempo, un meseciño de duro traballo para amosarvos este vídeo que resume os inicios do proxecto.
Por suposto, o último paso foi ir ás clases do máis peques para explicarlles con palabras máis fáciles este vídeo!
Esperamos que vos guste!
Hoxe tivemos o gusto de ver un contacontos representado polos alumn@s de 5º e 6º: Adrián, Nuno, Héctor e Sergio. Representaron "O Apalpador". A verdade e que o fixeron tremendamente ben!
O pasado venres celebramos o CHRISTMAS JUMPER DAY! Moitas grazas pola participación e sobre todo polas doazóns!!
 |
Como xa é tradición, iremos dando un adianto da obra de Nadal da clase de 5º e 6º a modo de tráiler...
Esperemos que vos guste este aperitivo de... "Hoxe no parto"!
Modestina xa non podía esperar máis, armouse de pucho, guirnaldas e un particular almanaque de advento cheo de 24 historias que os nosos cativos van lendo...
Bo día, o mes de novembro celebramos o mes da ciencia nas bibliotecas escolares. Estivemos facendo diferentes experimentos sinxelos onde comprobar pequenos cambios que pode sufrir a materia según os elementos que mesturemos. Sen olvidar a nosa científica máis querida Farruca, que lle contou aos máis pequenos sobre un tataratataratatara avó seu que era Alquimista...
Como xa é tradición neste cole, e nos gusta axudar, convocamos a nova edición de CHRISTMAS JUMPER DAY. Como sabedes os cartos recaudados irán destinados a obras humanitarias xestionadas por Save the Children.
Celebrarémolo o venres 13 de decembro, onde os alumn@s e mestr@s poñeremos un xerséi de nadal.
MOITAS GRAZAS!
Hoxe os nenos e nenas de Educación Primaria asistimos ao Pazo da Cultura de Narón para desfrutar da función "Rob", unha proposta da compañía Teatre de L´Abast.
A historia dun náufrago narrada de xeito divertido e combinando diferentes recursos: títeres, sombras e teatro clásico.
Pasámolo moi ben e, de seguro, que non será a última visita ao teatro!
ONTE AS NENAS E NENOS DE EDUCACIÓN INFANTIL ACUDIRON A MOSTRA DE TEATRO NO AUDITORIO DE NARÓN.
ALÍ POIDERON GOZAR DA MARABILLOSA OBRA "A NENA E O GRILO CAMIÑO DAS CORES" PROTAGONIZADA POLA COMPAÑÍA GHAZAFELLOS E MUSCIALIZADA POR MAGÍN BLANCO.
NO BUS DE IDA.
Hoxe é o Día da Infancia. E como xa é tradición, asistimos ao Concello de Moeche a un pleno infantil.
Xa hai unhas semanas comezamos a traballar o tema, coñecimos os dereitos que temos como nenos e nenas, firmamos un manifesto a proposta de UNICEF, baixo o lema #somosinfancia, que fala sobre que temos que loitar polos nosos dereitos. Dereitos que afirmamos non rexeitaremos, e que ademais cumpriremos cos nosos deberes, tal e como nos comentou Nuno na súa intervención.
Tamén nas aulas fixemos unhas pancartas que versaban sobre aquilo que nos preocupaba da infancia, do que máis nos gusta desta etapa e daquilo que nos gustaría que cambiase. Niko foi o encargado de comentar isto no pleno, poñendo exemplos.
Outra a actividade levamos a cabo foi unha fermosa estrela, que como ben nos comentou Paula, recolle todos os dereitos da infancia: educación, sanidade, á protección... e queremos que se cumpran!
Xa na recta final do pleno, a alcaldesa daba paso a Héctor, que días atrás representou ao CLIA modestino no Parlamento de Galicia. Volveu a realizar a exposición que fixo en Santiago. Bravo Héctor!
Para rematar o día, como chovía, fomos á biblioteca do Concello, onde Pilar nos deixou ler os nosos contos preferidos e facer debuxos.
GRAZAS POR CONVIDARNOS!
E coma todos os meses de novembro... POLO SAN MARTIÑO, PEÓNS AO CAMIÑO!!!
Un ano máis, durante este mes trouxemos peóns ao cole, aprendemos a encordar, lanzar e incluso algún pequeno truco! Pero o máis importante, recuperamos tradicións e pasámolo ben!
Por fin, despois de moito traballo, estamos de volta.
O motivo do peche debeuse ao cambio do programa de rexistro da biblioteca. Migramos de MEIGA a KOHA.
Grazas a tod@s os que dunha maneira ou doutra axudastes a que o peche fose o menos tempo posible.
Hoxe recibimos a visita de Tania, a monitora do Consello Local de Infancia e Adolescencia do Concello de Moeche. Viu a contarnos, xunto a tres integrantes do grupo, en que consiste este grupo, que realizan, obxectivos, actividades levadas a cabo...
Héctor, Adrián e Uxío falaron sobre os seus anos de experiencia dentro do proxecto. O resto da rapazada quedou abraiada dos traballos e obxectivos que levan acadado e amosaron bastante interés en pertencer ao grupo.
Nestas datas, onde estamos a traballar sobre os Dereiros da Infancia ven moi ben ver exemplos de nenos/as que se preocupan polo benestar dos demais iguais. Parabén o grupo de participación infantil modestino!
.jpeg)
.jpeg)
Parece que xa é tradición! A rapazada de 5º de primaria, en Lengua Castellana, estivo a traballar a hipérbole. Xa sabedes, un recurso literario que usan os autores para dar máis beleza ao texto realizando unha esaxeración dun dos compoñentes do mesmo.
Coma sempre, unha boa maneira de facelo é contando uns chistes de hipérboles!!! Era un home tan tan tan...
Contaron os chistes, gravaron i editaron o seu propio vídeo!
Mañá, día 13 de novembro, o segundo prato verase modificado debido a un imprevisto.
SEGUNDO PRATO: Nuggets caseiros con ensalada.
Desculpade as molestias.
Despois de pasar uns días deliberando; o alumnado do centro decidiu que a porta gañadora fose a realizada polas nenas e nenos de Infantil.
Aquí quedan unhas fotiños da entrega do Diploma e a cativada pintando a porta! QUE MEDO!!
O Colpbol é un deporte alternativo que causa moito furor no CEIP San Ramón. Trátase dun deporte coeducativo no cal, tocando un balón coas mans i en colaboración de todo un equipo, hai que introducir unha pelota na portería.
Disputamos un torneo nos recreos con aquelas persoas voluntarias. Tivo unha gran acollida, pois case toda primaria participou no torneo. Pero a clase de infantil non quedou aparte da competición, pois tivo un gran papel o día gran final. Ante un pavillón cheo de alumnado eran os máis pequenos/as os encargados de abrir boca cunha exhibición de Colpbol adaptado, onde a totalidade dos pequechos conseguía batir ao profe Abel na portería.
Esta práctica servía para introducir a gran final que disputaron EQUIPO 2 - OS CANGREXOS. Aínda que o resultado é o de menos, pois ofreceron un partidazo, cabe destacar que sucedeu algo históricos nas competicións desta escola... Un empate técnico tras un axustadísimo 1-1 no partido e unha tanda de penaltis absolutamente infinita que o árbitro decidiu deixar en empate.
Toca tamén das as grazas ao grupo alumnos/as que se ofreceron voluntariamente para ser árbitros no torneo: IVÁN, ADRIÁN MUÍÑO, LÍA, MARIO E ÁLVARO. Sen eles/as non se podería levar a cabo.
A continuación deixamos algunha foto dos grupos participantes:
METEORITOS
