CROS AS PONTES

Un ano máis participamos con XOGADE na modalidade de Cros. De novo, tocaba visitar As Pontes para correr unha pequena distancia con nenas e nenos doutros centros da comarca.

A xornada desenvolveuse cun ambiente moi bo e un traballo duro por parte dos nosos/as no campo a través. Felicitar a todo o alumnado, pois todos/as completaron a carreira sen grandes dificultades, salientando a clasificación para a seguinte rolda de Leo e Gael, que seguro deixarán o pavillón modestino ben alto na fase intercomarcal!

Deixamos algunha fotiño desta deportiva mañá:

FOTOS

PROPOSTAS DE MODESTINA

 

CONTACONTO CON MIGALLAS

Hoxe tivemos no colexio unha sesión moi especial de contacontos da compañía de teatro Migallas Teatro. Foi unha mañá moi divertida na que todo o alumnado, profesorado e familias participamos con moita atención e entusiasmo. As historias, cheas de ritmo e humor, fixeron que todos e todas pasásemos un rato moi agradable.

Como sempre,  Migallas non defrauda e conseguiu que gozásemos moito desta actividade tan especial. Agardamos poder volver gozar pronto doutra das súas actuacións! 

RCP NA AULA

HUGO XA É UN CHICO MAIOR E SABE PERFECTAMENTE CAL É O NÚMERO DE EMERXENCIAS, QUEREDES SABER POR QUE?

Durante estas dúas semanas, as clase de EF foron algo especiais. Dentro dos contidos curriculares toca traballar a saúde. O primeiros auxilios son un tema de vital importancia e, no noso centro, consideramos fundamental traballalos desde os 3 anos.

Grazas ao material cedido polo CFR de Ferrol levamos a cabo unhas interesantes sesións onde aprendemos a:

• Valorar se unha persoa está consciente ou non.
• Determinar se respira.
• Chamar ao 112 pedindo axuda.

Estas tres cousas témolas dominadas dende infantil. En 1º e 2º, ademais, aprendemos e practicamos moito todo o anterior e:

• Colocar unha vítima en posición lateral de seguridade.
• Técnica de RCP.
• Actuar ante un atragoamento.

De 3º en adiante profundizamos algo máis e traballamos:

• DESA: activalo e poñelo en práctica. Da mesma maneira comprobamos como saber onde temos o máis cercano coa app do SERGAS.
• Protocolo COMPLETO de Soporte Vital Básico.

Por suposto, as profes tamén nos formamos neste ámbito, para ter todos os coñecementos e ogallá non ter que usalos nunca.

Seguiremos ano tras ano incidindo nun tema tan importante como este. Deixamos algunha fotiño do ben que o fixo a rapazada!

CONSUMO RESPONSABLE

O pasado venres tivemos a oportunidade de contar no cole co Instituto Galego de Consumo. Da man de Paula aprendemos sobre produtos, obrigas e dereitos que temos os consumidores.

Ademais fixemos un xogo para comprobar as nosas aprendizaxes.

Grazas Paula!

DÍA DE ROSALÍA

O pasado 23 de febreiro celebramos no cole o Día de Rosalía de Castro.

Na biblioteca do centro puidemos desfrutar dunha sesión moi especial, "Poesía con moito conto", da man de Marisa, actividade que nos traslada o Concello de Moeche.

Ademais, durante días previos, o alumnado estivo traballando acerca da figura máis representativa da nosa lingua. Aquí vos deixamos unha mostra:

• Vídeo poema "Negra sombra"
• Podcasts na Radio 23

CARREIRA SOLIDARIA UN ENTRE CEN MIL

Como ben sabedes, participamos unha vez máis na campaña solidaria "Un entre cen mil" e recaudamos a cantidade de 413€. A continuación se pinchades no enlace, podedes acceder á carta de agradecemento recibida no centro.

Carta agrademento

O UNIVERSO: INVESTIGAMOS UN POUCO MÁIS...

Na materia de Ciencias Sociais tocou traballar sobre un tema como é o universo. Nesta ocasión propuxemos unha actividade para profundizar un pouco máis. Eliximos tema, investigamos, producimos unha maqueta e un mural e logo tocou contalo!

Existe unha exposición no corredor da entrada onde podedes ver todas as producións!

Aquí vos deixamos as distintas propostas!

ABRIL AS NOVAS: UN XORNAL DOS HISTÓRIC@S 10.0

"Abril as novas" é un pequeno proxecto de Lingua Galega onde a rapazada de 5º e 6º elaborou un xornal que recollía diversas noticias ficticias sobre o noso centro educativo. Desaparición de profesores, segredos misteriosos ou un divertido "xamonazo" son algúns dos sucesos que ocorren neste centro.

Queredes saber máis? Pois podedes ver a versión en papel no corredor de arriba ou ben escoitar as audionovas que vos ofrecen a continuación:

A CAÍDA DE LUPE A CAÍDA DE MANOLA A DESAPARICIÓN DE ÓSCAR A PANTASMA DO COLEXIO A PELEXA A SUBSTITUTA A TIXOLA MISTERIOSA DE LUPE ALUMNOS ROYALE CONCURSO DE CHISTES DATCHBALL A CAÍDA DO COLEXIO NOTICIA ALMUDENA SEGREDO MESTRE ABEL UNHA CABRA NO DESPACHO XAMONAZO AO PROFE ABEL

XORNADA DE PORTA ABERTAS

 

TRABALLO SOBRE O ENTROIDO!

Durante as xornadas previas á festa do Entroido, a alumnado estivo a traballar sobre o Entroido galego. Investigación, traballo da información i exposición oral sobre a nosa cultura.

13 DE FEBREIRO, DÍA MUNDIAL DA RADIO

 O portal Escolas nas ondas emite este venres 13 os traballos recibidos para esta xornada de celebración do Día Mundial da Radio, se pinchades aquí poderes escoitar todas as propostas enviadas por diferentes coles, incluída a nosa!

O grupo de 5º e 6º creou un podcast orixinal no que imaxinaron que un grupo de invasores chamados “Larries” atacaban o noso planeta. O único medio de comunicación que aguantou este ataque foi Radio 23… como cres que continuará?

Este é o noso podcast!

ENTROIDO 2026

TORNEO DATCHBALL 2026

Hai uns días que rematou o torneo de Datchball deste curso. O Datchball é un deporte alternativo que causa moito furor no noso centro. Combina lanzamento, axilidade e traballo en equipo. O campionato tivo gran acollida.

Todos os equipos fixeron un gran papel, pero foron "OS SIMIOS" quenes conseguiron facerse co título.

PARABÉNS pola deportividade amosada!

DÍA DA RADIO 2026

O 13 de febreiro é o Día da Radio, desde a rede de radios escolares propoñían que participaramos neste día ofrecendo un programa no cal déramos lugar a pensar sobre a importancia da radio nas nosas vidas.

O grupo de 5º e 6º creou un podcast orixinal no que imaxinaron que un grupo de invasores chamados "Larries" atacaban o noso planeta. O único medio de comunicación que aguantou este ataque foi Radio 23... como cres que continuará?

PUBLICACIÓN OFERTA DE PRAZAS CURSO 2026-2027

 Oferta prazas 2026-2027

CAMPAÑA SOLIDARIA: RECOLLIDA ROUPA E CALZADO 2º TRIMESTRE

Neste 2º trimestre tamén realizaremos unha recollida de roupa e calzado usados en colaboración co Proxecto Global Humanitaria en India.

O prazo será ata o día 5 de marzo.

INFORMACIÓN SOBRE A CAMPAÑA 

NOVOS PODCASTS NA RADIO 23

 A rapazada de 3º e 4º de primaria estivo a traballar na creación duns podcasts para a Radio 23, dentro da materia de Lingua Galega. Para iso, buscaron información, crearon o guión, ensaiárono e foron gravalo á radio do colexio.

Agardamos que vos gusten! Pronto volveremos con máis!

ANDAINA SOLIDARIA PARA A INVESTIGACIÓN DA LEUCEMIA INFANTIL E DÍA DA PAZ

 

Hoxe, despois do recreo, tivemos unha actividade especial arredor do valor da paz e da solidariedade. O alumnado de 5ºe 6º preparou un fermoso contacontos e tamén escoitamos varios podcasts sobre a paz feitos por eles e elas mesmas. Ademais, o alumnado de terceiro e cuarto escribiu un poema colectivo sobre a paz, mentres que os nenos e nenas de primeiro e segundo compartiron con todos e todas nós o que significa a paz para eles e elas. 

A continuación, desprazámonos ao pavillón para celebrar a carreira solidaria para recadar fondos para a Asociación Unoentrecienmil. Debido ao mal tempo, a actividade converteuse nunha andaina solidaria, coa que recadamos fondos para a investigación da leucemia infantil.

Para rematar esta mañá tan especial, lanzamos avións de papel ao aire como símbolo de amor e paz, enviando unha mensaxe positiva a todo o mundo. Foi unha xornada chea de valores, convivencia e solidariedade. 

Moitas grazas pola vosa participación e colaboracion, familias!

Aquí tedes máis imaxes e video do día de hoxe e tamén deixamos os podcast feitos polo alumnado de 5º e 6º. 

PODCAST 1

PODCAST 2 

CIRCULAR INFORMATIVA ANPA - FOTOS OLRA

Circular 

FASE DE RESERVA DE PRAZA EN CENTROS DE ADSCRICIÓN

PRAZOS PRESENTACIÓN SOLICITUDES:

 a) Solicitudes de reserva (ED550A): do 15 de xaneiro ao 4 de febreiro de 2026. 

 b) Solicitudes ordinarias de admisión (ED550B): do 1 ao 20 de marzo de 2026.

• DECRETO 13/2022, do 3 de febreiro, polo que se regula a admisión de alumnado en centros docentes sostidos con fondos públicos que imparten ensinanzas de segundo ciclo de educación infantil, de educación primaria, de educación secundaria obrigatoria e de bacharelato reguladas na Lei orgánica 2/2006, do 3 de maio, de educación. https://www.xunta.gal/dog/Publicados/2022/20220211/AnuncioG0598-040222-0004_gl.html
• ORDE do 21 de outubro de 2022 pola que se desenvolve o Decreto 13/2022, do 3 de febreiro, e se regula o procedemento de admisión do alumnado nos centros docentes sostidos con fondos públicos que imparten ensinanzas de segundo ciclo de educación infantil, de educación primaria, de educación secundaria obrigatoria e de bacharelato reguladas na Lei orgánica 2/2006, do 3 de maio, de educación (códigos de procedemento ED550A, ED550B e ED550C). 
• ANEXO I ED550A  
• Anexo I
  

CHARLA PLAN DIRECTOR SOBRE MEDIOAMBIENTE

O pasado venres tivemos unha nova charla, dentro do programa "Plan Director", coa Garda Civil. Unha vez máis veu a nosa amiga Sara a falarnos sobre o seu traballo. Nesta ocasión sobre as diferentes accións que realiza un departamento tan importante coma o Seprona.

Falamos sobre a reciclaxe, os incendios forestais e, sobre todo, de concienciación. No noso comportamento está a clave de preservar o medio ambiente.

Grazas Sara por ensinarnos tanto!

MODIFICACIÓN DO MENÚ ESCOLAR 8/1/26

Debido a unha incidencia, o menú do xoves día 8 de xaneiro quedará da seguinte maneira:

1º PRATO: Pastelón de xamón e queixo.

2º PRATO: Macarróns con atún e tomate.

SOBREMESA: Mazá.

Desculpade as molestias.