FESTIVAL DE NADAL 2025

Unha data moi especial para a nosa comunidade educativa, sen dúbida. Hoxe traemos todas as actuacións en vídeo para que podades volver a velas as veces que queirades.

Queremos agradecer a todas as persoas que viñeron desfrutar con nós desta especial xornada. Ademais de agradecer enormemente a quen axudou nas labores de montaxe, desmontaxe e gravación. GRAZAS!

BOAS FESTAS E FELIZ ANINOVO!!!

1.- LLEGÓ LA NAVIDAD (BAILE INFANTIL)

2.- HOXE NO BAUTIZO (TEATRO 5º E 6º)

3.- FIND YOUR OWN MUSIC (TEATRO EN INGLÉS 3º E 4º)

4.- NA BEIRA DO MAR (FRAUTA) + AO RITMO DE MOZART (PERCUSIÓN CORPORAL 5º E 6º)

5.- I WANT TO BE AN ELF (BAILE EN INGLÉS 1º E 2º)

6.- DESATINOS NA AULA DE DON CONSTANTINO (TEATRO 3º E 4º)

7.- SNOWMAN (BAILE EN INGLÉS INFANTIL)

8.- NADAL NA GRANXA (TEATRO 1º E 2º)

9.- FRIENDS (TEATRO EN INGLÉS 5º E 6º)

10.- CAMPÁS DE NADAL (CANCIÓN 1º E 2º)

11.- UNHA VELLA TIÑA NUN CAN (TEATRO MUSICAL 3º E 4º)

12.- BEDENDEN UYONA (PERCUSIÓN CORPORAL 3º E 4º)

SORTEO FESTIVAL NADAL

 Ola familias:

Un ano máis queremos agradecer a vosa asistencia ao xa tradicional festival de nadal do colexio.

Especial agradecemento a todas aquelas persoas que axudaron na montaxe e recollida do escenario que fixeron máis doada a actividade e contribuiron a fomentar a participación da comunidade educativa no funcionamento do centro.

Por último destacar que o sorteo da cesta de nadal este ano foi especialmente exitosa, chegando a recadar a non despreciable cantidade de 889€. Como xa sabedes, serán destinados a todo o alumnado a través dalgunha actividade complementaria ou extraescolar(da que seredes informados no seu momento). 

FELICES FESTAS

PROGRAMA FESTIVAL DE NADAL 2025

Boas familias!

Deixamos un listado das actuacións que ten preparadas a rapazada para este prometedor festival. Van con un horario orientativo que intentaremos cumprir, pero entendendo que con nenos/as é difícil ser exactos. Pregamos puntualidade na entrada das familias para non interromper as actuacións.

Grazas por adiantado a toda a comunidade pola vosa participación!

A GOZAR DO NADAL!

Ola rapazada!

Xa rematamos todas as propostas da nosa Modestina, foi un pracer gozar con vós na biblio. Bo Nadal!

CHRISTMAS JUMPER DAY

Informamos de que acabamos de recibir o agradecemento dende Save the children pola nosa colaboración así como a concesión de "centro solidario comprometido coa infancia".

Moitas grazas a todos e todas pola vosa colaboración.

 Hoxe tamén celebramos o CHRISTMAS JUMPER DAY, vestimos as nosas mellores galas para celebrar un Nadal solidario seguindo a proposta de Save The Children. Moitas grazas a todos e todas polos vosos donativos!

AS PROPOSTAS DE MODESTINA PARA GOZAR DO NADAL

 Boas modestinas e modestinos! Chegamos a última proposta deste calendario tan especial. 

Tendo en conta o éxito dunha das propostas, aquí vai a de mañá... 

Moitas grazas a todas e todos por participar e por facer da biblioteca un espazo tan agradable no que rir, vivir e compartir tempo e experiencias xuntos e xuntas. 

Moitos besos e que teñades unhas festas moi felices!

Modestina. 

Algunhas fotos da proposta de hoxe escribíndolle os nosos desexos a Modestina. 

AS PROPOSTAS DE MODESTINA PARA GOZAR DO NADAL

 Ola rapazada! 

Xa temos a penúltima proposta deste calendario tan especial de Modestina. Non queda nada para Nadal! 

Deixo por aquí tamén algunhas fotos do pasado xoves e venres, nos que estivemos facendo postais de Nadal e xogando libremente cos xogos da biblioteca. 

TRÁILER "HOXE NO BAUTIZO"

O Festival de Nadal está a piques de chegar e aquí chegan os primeiros adiantos. Un aperitivo que vos ofrecen os Históric@s 10.0 en formato tráiler do que será a súa obra de teatro!

Un ano máis volve a vosa familia favorita! Desta volta cun bautizo que non vai ter nin pés nin cabeza. 

Xa sabes, non podes faltar o día 19 de decembro ao CEIP SAN RAMÓN para ver actuar a este pedazo grupo. Hoxe, un pequeno agasallo:

AS PROPOSTAS DE MODESTINA PARA GOZAR DO NADAL

 Ola rapazada!

 Cada vez queda menos para rematar as propostas, deixo por aquí a de mañá.

Deixo aquí tamén vídeos e fotos da proposta de hoxe, a coreografía foi todo un éxito. Pasámolo incrible, teremos que repetir!

AS PROPOSTAS DE MODESTINA PARA GOZAR DO NADAL

 Boas rapazada!

Aquí tedes a proposta de mañá, espero que teñades ganas de mover o esqueleto!

Deixo aquí algunhas fotos e vídeo da proposta de hoxe. 

AS PROPOSTAS DE MODESTINA PARA GOZAR DO NADAL

Ola rapazada! 

Xa temos a proposta de Modestina para mañá. Agardo que voltedes con moitas ganas de pásalo ben estes últimos días de cole antes das vacacións de Nadal. Vémonos mañá na biblio!

Aquí deixo algunhas fotos e vídeos da proposta do contacontos. 

AS PROPOSTAS DE MODESTINA PARA GOZAR DO NADAL

 Ola a todas e todos!

Hoxe tivemos as nosas lecturas compartidas de Nadal e foron todo un éxito, estivemos ao quentiño coas nosas mantas e moi comodamente cos nosos coxíns e peluches. Ademais, Efrén, Abraham, Niko, Teo e Valeria dramatizaron o conto de ''A historia dos bonobos con lentes'',foron moi profesionais e fixérono moi ben, moitas grazas!

Velaquí vai a proposta para mañá: 

Algunhas fotos do día de hoxe:

AS PROPOSTAS DE MODESTINA PARA GOZAR DO NADAL

 Ola rapazada!!!

Moitas grazas por participar no taller de adornos de Nadal de hoxe! Estou moi feliz e orgullosa porque  estiven escoitando a moitos nenos e nenas falar en galego, que ledicia!

Velaquí vai a proposta para mañá, non esquezades as mantas, os coxíns ou os peluches! Agárdovos na biblio, 

Modestina.

E algunhas fotos do taller de hoxe:

TORNEO DE COLPBOL!

A pasada semana rematou o torneo de Colpbol que estivemos a facer nos recreos durante o mes de novembro. Primeiro aprendemos moito sobre este divertido deporte alternativo nas clases de Educación Física e logo convocamos un torneo.

Foron moitos os alumnos/as que se quixeron apuntar e, tras unha liguiña, a clasificación resultou ser:

1.- TELETUBBIES

2.- POLOS EN SALSA

3.- 67

4.- LOS VIEJOS

Na gran final impúxose na tanda de penaltis o conxunto de "Os Teletubbies" grazas a un golazo de Paula a Adrián.

Parabéns a todos os equipos pola deportividade e ganas!

AS PROPOSTAS DE MODESTINA PARA GOZAR DO NADAL

Ola modestinas e modestinos! 

Aquí vai a segunda proposta de actividade. Espero que a gocedes tanto como a primeira. Moitas grazas por vir a biblio a pasalo xenial xuntos e xuntas!

Algunhas fotos do ben que o pasamos hoxe facendo o noso mural de Nadal.

PLENO INFANTIL NO CONCELLO DE MOECHE

 Hoxe vivimos unha xornada especial no Concello de Moeche xa que participamos no Pleno Infantil organizado para celebrar o Día dos Dereitos da Infancia. Adrián, o noso compañeiro de sexto leu o manifesto que elaboraron no CLIA e que levaron ao Parlamento de Galicia. Ademais, o alumnado de quinto e sexto, en representación de todo o alumnando do cole, compartiu o kit de supervivencia no ámbito dixital. Un conxunto de consellos, reflexións e boas prácticas para navegar na rede e usar a tecnoloxía con seguridade, respecto e responsabilidade.

É fundamental recoñecer e poñer en valor a participación dos nenos e nenas na sociedade, para que poidan compartir as súas opinións que son claras, sinceras e cheas de sentido común!

AS PROPOSTAS DE MODESTINA PARA GOZAR DO NADAL

 

VOLVE A RADIO 23 PARA CELEBRAR O DÍA DOS DEREITOS DA INFANCIA!

Radio 23 volve a abrir as súas portas para que escoitedes os mellores podcast de toda a volta. E faino cunha ocasión moi especial, a celebración do Día dos Dereitos da Infancia.

Para iso asistimos ao Concello de Moeche a un pleno infantil onde expoñeremos as nosas conclusións sobre os dereitos das nenas e nenos no ámbito dixital. Para vivir neste mundo e que se respecten os nosos dereitos temos que elaborar un kit de supervivencia, pero... que meteríades nel? Polas diferentes clases do cole fomos recollendo información que vos ofrecemos neste programa de radio!

CONCURSO POSTAIS DE NADAL- ASOCIACIÓN ECUESTRE 23 DE ABRIL

 Ola familias. Dende a Asociación Ecuestre do 23 de abril, recibimos esta información que vos enviamos para animarvos a participar neste concurso.

APRENDEMOS A ELABORAR O NOSO PROPIO COMPOST E LEMBRAMOS A IMPORTANCIA DUN CONSUMO RESPONSABLE

Hoxe no cole recibimos a visita dun biólogo e mestre composteiro que, ademais de ensinarnos a elaborar o noso propio compost, compartiu con nós datos moi importantes sobre os residuos que xeramos os seres humanos. Falamos, entre outras cousas, do esgotamento dos recursos naturais do planeta e tamén da formación de illas de lixo nos océanos debido aos residuos que desbotamos. Foi unha charla tan interesante como preocupante, que nos lembra a importancia de implicarnos e facer un consumo responsable.

SIMULACRO DE INCENDIOS

 Hoxe no noso colexio realizamos un simulacro de emerxencia no que participou o corpo de bombeiros e bombeiras de Ortigueira. Despois do exercicio, deixáronnos subir ao camión e explicáronnos a maquinaria e os instrumentos que empregan no seu traballo diario. Para rematar, tivemos a oportunidade de probar a mangueira e aprender un pouco máis sobre como actúan ante unha emerxencia. Moitas grazas aos profesionais que estiveron hoxe con nós no cole!

SAÍDA A FERROL E NARÓN.

 O pasado martes os nenos e nenas de Educación Infantil e de 1º e 2º de Educación Primaria fomos de excursión e pasámolo en grande.

Primeiro, asistimos á fundación ABANCA. Alí desfrutamos da exposición fotográfica de Tim Flach, un fotógrafo que viaxou por todo o mundo sacando fotos aos animais en perigo de extinción. Así, percorremos a exposición baixo a premisa de buscar solucións para protexer a todos aqueles animales que íbamos visitando. 

Despois de atopar as diferentes solucións para a súa protección e de tapar a tartaruga mascota da exposición para que puidese descansar, pasamos a unha sala para realizar un obradoiro moi pintoresco. Aquí puxemos en marcha toda a nosa creatividade, pintando a uns axolotes e o seu hábitat.

Por último, dirixímonos ao Auditorio de Narón para desfrutar da obra teatral titulada "Travesía Unicornio", unha obra interpretada pola compañía Ghazafelhos baseada na historia homónima de María Canosa. Coma sempre, as risas estiveron asegurada e volvimos ao cole co corazón ben cheíño de experiencias.

O resto das fotos da xornada podedes velas AQUÍ

SAÍDA Á COSTA DE DEXO

    O alumnado de 3º, 4º, 5º e 6º de primaria achegouse o día de hoxe ata o Concello de Oleiros para desfrutar dunha mañá ao aire libre na Costa de Dexo, un espazo catalogado como Monumento Natural e espazo protexido polo seu gran valor ambiental.

Quedamos abraiados pola fermosura das vistas, da paisaxe e de todos os elementos que a conforman.

Vimos o famoso illote de A Marola ("Quen pasou a Marola, pasou a mar toda"), as furnas, o seixo branco, pegadas de raposo, can e cabalo, etc. Ademais, atopamos especies animais e vexetais características deste lugar, como as barbas do demo, a flor do azafrán, distintos tipos de cogomelos, a herba de namorar...  Ata tivemos a oportunidade de ver un numeroso grupo de golfiños nadando en conxunto!

Moitas grazas aos biólogos do CEIDA por guiarnos e por todas as explicacións tan interesantes que nos ofreceron.

Pinchade na imaxe para ver máis fotos deste día.

25N DÍA INTERNACIONAL DA ELIMINACIÓN DA VIOLENCIA CONTRA A MULLER

 

Onte, 25N, celebramos no centro o Día Internacional contra a Violencia de Xénero. Contamos coa visita da alcaldesa, que foi a encargada de entregar os diplomas e premios aos lemas gañadores deste ano. Para rematar a xornada, gozamos dun fermoso contacontos titulado “Mulleres de Pedra” de María da Pontragha, que nos fixo rir e bailar pero tamén reflexionar,  e aprender a través das súas historias.

Pincha aquí para ver máis fotos e videos do 25N.

CANLE YOUTUBE HISTÓRIC@S 10.0

Un ano máis, o grupo de 5º e 6º configuraron o nome do cal vai ser o seu equipo. Un ano máis tiraron de creatividade e puxéronse "Históric@s 10.0". 

Teñen a súa propia canle Youtube, e aínda que xa hai tempo que traballan nela (xa temos vídeos de este ano) aínda non se presentaran oficialmente. Podedes seguir os seus traballos, potenciando o proxecto de centro "Escoita que che conto" en Youtube.com/historicosmoeche.

Eles mesmos subirán vídeos sobre os seus traballos, de propia creación i edición.

Deixamos enlace co vídeo de presentación onde explican un pouco de que vai:

TÍRALLE DA LINGUA!

Tíralle da Lingua é un certame de relato oral proposto pola Asociación Pedagóxica Galega que este ano celebra a edición XXIV. O alumnado de 5º e 6º participou presentando relatos orais inventados por eles/as de xeito libre. 

A única norma era facer unha contada en galego. Fixeron 5 grupos i estas foron as súas propostas!

POLO SAN MARTIÑO PEÓNS AO CAMIÑO!

Polo San Martiño, peóns ao camiño!!! Así berramos tódolos anos por estas datas para celebrar o Día do Peón no cole. Un curso máis trouxemos as nosas buxainas ao centro para xogar un pouco con elas e recuperar este xogo propio da nosa cultura e tradición. Deixamos un vídeo para que vexades algunha imaxe...

Gran Gala dos Contos Modestinos 2025

 A semana pasada, o alumnado de 1º, 2º, 3º e 4º de primaria presentou na biblioteca do cole a Gran Gala dos Contos Modestinos, un proxecto realizado con moito esforzo e ilusión, que ademais foi envidado ao XV Certame de Curtas da Asociación Pedagóxica Galega.

Tivemos a sorte de contar coa visita de Pepablo e Montse, que se achegaron á biblioteca para ver o resultado xunto cos demais cursos. Un dos contos representados foi "Lúa", escrito por Pepablo.

Agardamos que vos guste!