A semana do 23 de abril en Moeche xa é especial de por si, pois é o noso festivo local. Pero aínda é máis especial se cabe xa que celebramos diferentes actividades polo Día do Libro:
- En primeiro lugar fixemos o tradicional Apadriñamento Lector. Este ano tivémolo que adaptar un pouquiño polas circunstancias especiais que estamos a vivir, pero iso non lle quitou a maxia que sempre tivo esta actividade. Así pois, este ano os maiores do cole ían a ser as encargadas/os de crear esta sorpresa. Coa axuda de Modestina, coláronse na biblioteca para escoller un a un contos para o resto das nenas e nenos do cole. Cada un dos padriños/madriñas tiña nada máis e nada menos que 3 afillad@s!!! Por suposto, cada libro ía acompañado dun pequeno agasallo. As clases foron pasando pola biblio e...sorpresa!!!
Cada alumno/a levou para casa a obra escollida polo seu padriño/madriña e, como "é de ben nacido ser agradecido", houbo sorpresa de volta!!!
Da mesma maneira, houbo un día que recibimos unha visita moi especial na biblioteca: "Cuéntamelo con música" achegábase a Moeche para facer un espectacular contacontos onde, a través dunha viaxe moi divertida pola historia, comprendemos as diferentes maneiras de escritura que existiron dende a prehistoria ata hoxe. Un montón de experimentos, contos e risas que fixeron que a nosa biblioteca se volvese a encher de maxia. Por suposto, acudimos por grupos estables e respectando en todo momento as medidas establecidas no protocolo COVID. Deixamos un pequeno vídeo coas fotos que resumen esta actividade:
Por último, pero non menos importante, a autora Andrea Maceiras visitounos virtualmente para falar un pouco sobre a súa obra "Conta nove estrelas" que o grupo de 5º e 6º estivo a ler na súa aula. Fixémoslle unha cantidade enorme de preguntas para coñecer un pouco máis sobre a súa faceta como autora e tamén para comprender un pouco máis sobre Quepi, Udai e outros personaxes da Galaxia Oma. Mil grazas Andrea por pasar este agradable anaco con nós!
Queridos nenos e nenas, queridas familias: un ano máis chegou Chistín ao colexio cun novo concurso.
Este ano, o concurso será de ADIVIÑAS.
👀 PRESTADE ATENCIÓN
¿QUE TEDES QUE FACER?
1º Ler a adiviña con calma.
2º Intentar resolvela. Podedes pedir axuda na casa.
3º Escribe nun anaco pequeno a solución da adiviña e o teu nome
4º Non esquezas poñer o teu nome.
5º Ao día seguinte, debes introducir na caixa que hai na entrada do colexio o teu papeliño. Chistín revisará todos os días as vosas solución.
IMPORTANTE: O concurso durará 15 días. Cada día haberá unha adiviña, un total de 15 adiviñas. Sempre se deben resolver ao día seguinte da publicación no blogue. Non podemos introducir na caixa a solución atrasada doutra adiviña porque entón Chistín non a dará por boa.
ESTADE MOI ATENT@S QUE O PASAREMO BEN!!!
AHHHH ! HABERÁ PREMIOS PARA TODOS OS PARTICIPANTES CATRO PREMIOS ESPECIAIS PARA OS GAÑADORES, que serán escollidos por sorteo entre os acertantes.
Achegamos outra fotiño para o noso observatorio que nos manda nesta ocasión o noso amigo Sergio (1º EP). Observemos este fermoso solpor que nos ofrece...
Unha das actividades que tiñamos pensada dentro do Plan Proxecta sobre meteoroloxía era un libro de refráns sobre o tempo e o clima. Foron moitas as propostas que chegaron das familias e elaboramos tanto un refraneiro físico (que está na biblioteca do centro e poderedes consultar cando as condicións sanitarias o permitan) e outro dixital que vos ofrecemos aquí.
Esta semana, o alumnado de 3º, 4º, 5º e 6º tiveron a gran sorte de ser partícipes dunha sesión por videoconferencia con dúas representantes da Axencia Estatal de Meteoroloxía (AEMET) para falar sobre as frontes de aire cálido e frío.
Tanto a sesión do grupo de Judit coma o de Abel foron moi produtivas xa que veuse claro que as nosas nenas e nenos estiveron moi atentos/as, pois ao final da mesma había un concurso de preguntas no cal obtiveron puntuacións altísimas e recibiron os parabéns por parte das dúas mentoras.
Esta actividade foi impartida por persoal de AEMET a través do Museo de Ciencia e Tecnoloxía (MUNCYT) de A Coruña, a quenes queremos darlles as grazas por esta agradable xornada!
Seguimos aportando cousiñas para o noso proxecto de MeteoMoeche. Nesta ocasión traemos unha análise do clima do mes de marzo. Collendo como variables a temperatura e as precipitacións, o alumnado de 5º curso elaborou unha gráfica e un comentario sobre a mesma. Esperemos que vos guste:
Queremos presentarvos ao equipo de robots MBots montados polo alumnado de 5º e 6º. Como non podía ser doutro xeito e tratándose dunha presentación en público imos compartir con vós como os apodaron:
- San Ramón
- Santa Cruz
- San Xoán
- San Xurxo
- Labacengos
- Abade
- Bardaos
- A Reina
- Retorno
- Balocos
- San Xiao
- A Lamestra
Cremos que son nomes moi acaídos, para as novas máquinas que axudarán aos nosos nenos e nenas a adquirir moitos coñecementos que están por chegar.
(Debemos decir que dous deles estaban en boxes cargando as súas pilas conectados á corrente eléctrica, por iso non saen na imaxe).
Hai uns días o noso amigo Braulio Bolechas fixo un programa para a súa canle Youtube sobre o noso proxecto de Meteoroloxía. Para iso tivemos que gravar moitos vídeos e ao final non deu feito para subilos todos na súa canle e por iso vístedes só unha pequena parte do traballo na TVG. Iso, os profes falamos con Braulio e decidimos colgar por aquí unha gran mostra dos vídeos que non se puideron emitir, presentados neste Genially. Esperamos que vos guste!
