Hoxe era un día especial. Hoxe volvíamos a celebrar tod@s xunt@s. Hoxe tocaba volver á normalidade.
A festa do Samaín e Magosto sempre foi moi divertida no San Ramón e este ano non ía ser menos. O alumnado e profesorado xa levaba días no centro celebrando actividades e decorando clases, pero hoxe decidimos ter unha xornada especial.
A mañá prometía cando as nenas e nenos xa baixaban dos autobuses cos seus disfraces súper orixinais. Xa na clase tocaba organizar todo: montar mesas, facer os cucuruchos e repartir grupos para unha xincana moi especial: o xogo castaña e a culler, o morcego do revés, cabaciña por detrás e un pedazo concurso de estatuas de baile terrorífico servía para facer un oco ao estómago. Un oco para as castañas que nos esperaban ben quentiñas, cun pouco de leite que sempre entra xenial.
Cos bandullos cheos recibimos as familias que, unha vez máis cumpriron con nota na decoración de cabazas cos seus fillos/as (incluso desde a casa!). Puidemos ver verdadeiras obras de arte, pero un xurado moi esixente elixiu como gañadoras a Candela, Noa Fraga, Adrián Picos e Carolina.
A festa non remtaba aquí, pois un grupo de alumnas de 5º, encargadas de xestionar a ludoteca do cole, inventaron un concurso de debuxo entre o alumnado e profesorado que tivo gran acollida. Entre os alumos destacaron as obras de Martín Muíño e Paula en infantil, Álvaro e Ánder en 1º e 2º, a clase de 3º e 4º como grupo conxunto e Anxo na clase dos maiores. No tocante aos profes a gañadora foi a nosa teacher Alba cunha obra de arte que "encheu de cor" o fin da xornada.
Moitas grazas a toda a comunidade educativa por participar e facer desta escola unha gran familia!!!
Deixamos as fotos realizadas nesta mañá...
.jpeg)
.jpeg)
.jpeg)
.jpeg)
.jpeg)
.jpg)
.jpeg)
.jpg){kind=link}