Cheira a fin de semana e hoxe na biblioteca comezamos a actividade "Queres ser un saltimbanqui?" para que os que queiran movan un pouco o corpo a ritmo de bailes. Será todos os venres na hora do recreo.
Foi todo un éxito e esperámosvos o próximo venres!!
Onte os alumnos de PC de 6º, presentáronlle un novo amigo aos compañeir@s de Infantil. Non só llo levaron, senón que lle prepararon as instruccións, o taboleiro e lles explicaron como funcionaba.
O pasado luns tivemos unha excursión de todo o cole a Galipark, en Padrón. Un parque multiaventura moi divertido no cal os nosos peques pasaron unha mañá moi entretida.
As nenas e nenos de infantil xogaron nos hinchables, fixeron chapas e chaveiros moi molóns. Por outra banda, primaria, que xa teñen máis "altura" participaron no primeiro nivel da ponte colgante, tiráronse na tirolina, lanzaron frechas no tiro con arco e remataron con láser tag.
Pasárono pipa e algún preguntaba na saída se volvíamos para o ano!
Deixamos un Drive con fotos do día:
Co gallo do 8-M, o alumnado de 5º e 6º fixo un traballo sobre como está a muller dentro do deporte. Falamos sobre a igualdade neste ámbito. Que mellor maneira de facelo que contar con 12 mulleres que falaron con nós, parte na Radio 23, parte desde as súas casas.
12 mulleres que nos ensinaron moito e ás que lles queremos dar grazas por compartir as súas experiencias!
A segunda fase do cros de XOGADE levouse a cabo en O Feal, Narón. Ata alí foron Éric e Noel, os nenos que consigueron clasificarse da primeira fase. Pasaron unha mañá moi entretida e fixeron unha gran carreira!
Este xoves, 13 de marzo, as alumnas de alumnos de 3º, 4º, 5º e 6º tivemos a sorte de poder contar cunha charla impartida por unha bióloga do CEIDA (Centro de Extensión Universitaria e Divulgación Ambiental de Galicia) coa finalidade de achegarnos a problemática do lixo mariño, especialmente a que ten que ver cos plásticos.
Nas clases dos grandes (3º a 6º) seguimos a traballar conxuntamente no tema das lendas do medievo. É un tema que está gustando e nesta ocasión tocou profundizar máis nas historias locais.
Grazas á xente que nos axudou nas nosas pescudas, e a varios libros consultados, logramos ter un pequeno recopilatorio de lendas modestinas que queremos compartir con vós.
Pero... xa sabedes que a nosa rapazada é de usar a creatividade e darlle unha volta de rosca máis. Por iso é que decidiron contar esas lendas en formato podcast. E non un podcast calquera: temos desde soños, contos en primeira persoa e ata viaxes no tempo!! Non deixan de sorprendernos aos profes coas súas ideas!
Como sabedes o sábado celebrouse o 8M como día internacional da muller.
A nosa modestina que anda alá pola Idade Media quíxonos poñer en contexto sobre os dereitos das mulleres naquela época, e como grazas á loita dalgunhas hoxe en día vivimos en igualdade.
Ademáis tamén puidemos facer un marcapáxinas e resolver unhas adiviñas para ter un recordo deste día.
Hoxe é o turno de Nuno, que fixo este bastón oriental dun dos libros de manualidades.
Ben feito!
Como sabedes hai unha serie de probas para conseguir gañar o torneo de xustas. Unha desas probas é facer unha manualidade a partir dun libro de esta temática.
A primeira foi Candela, que este entroido estivo facendo un complento que lle quedou moi ben.
Como xa é tradición o Entroido comezaba xa hai uns días no cole coa chegada do Meco. Este ano tocou un ben trastiño que se encargou de facernos levar de todo durante uns días!!!
Calcetíns nas mans, roupa do revés, disfraz tolo... e senón... FARIÑA!!!
Pero todo foi un pequeno quencemento para o gran día. Hoxe enchemos as rúas modestinas de castrexos e castrexas. Lembrade que este ano intercambiamos as vestimentas cos nosos amigos e amigas de Cerdido.
Con machados e trisqueles iniciamos o noso roteiro por San Ramón ata o Concello, onde nos recibiron e cantamos unha canción con baile!
Logo tocaba volver ao centro e desfilar, tantos nenos/as como aquelas familias divertidas que fixeron este día un pouco máis especial se cabe. No concurso os mellores disfraces foron para:
- A medio gas, onde coma sempre, Xian ofreceu as súas mellores galas e deleitou ao público cuns derrapes de gran motorista.
- O príncipe de Balocos cun viaxe á infancia das mamás e papás que puideron recrear unha das loitas máis típicas das merendas do Xabarín: SonGoku vs Picolo.
- Las mamis en el Gym. Catro rapazas que demostraron estar moi fit, levantando as súas pesas e facendo os seus exercicios que evidenciaban grandes resultados na súa musculatura.
- Equipo Vileda. Unha señoriña que deixou o chan do centro moi limpiño co seu exército de fregonas. Un disfraz "de altura" que non deixou indiferente a naide.
Xa co Meco Pepe chorando os seus últimos lamentos, as nenas e nenos léronlle as súas coplas. Unha vez máis as profes cobramos moito máis que o Meco. Todas estiveron de marabilla, pero o xurado decidiu nomear gañadoras deste ano a:
- Martín, de 2º de primaria.
- Efrén, de 4º de primaria.
- Oihane, de 6º de primaria.
O alumando de 3º e 4º encargábase de ler por Pepe o seu testamento antes de ser queimado, dando fin ao Entroido deste curso.
Deixamos un vídeo resumo da xornada de hoxe. Queremos das grazas a todas aquelas persoas que vos animastes a pasar un ratiño con nós.
Que teñades un bo fin de semana longo!
O pasado 23 de febreiro celebrouse o día de Rosalía de Castro. Nós conmemoramos este día o venres 21 mediante a actividade "A túa poetisa invisible". Cada un de nós escribimos unha estrofa dalgún poema de Rosalía para enviar ao noso "amigo invisible".
Ademais de forma voluntaria o alumnado foi montando un quebracabezas para este día.
Moitas grazas a Iván, Héctor, Oihane e Candela por organizalo!
O pasado venres tivemos a gran sorte de contar no centro coa compañía teatral Migallas. Trouxeron o espectáculo "Brincadeiras da lingua", mediante o cal aprendemos moitas desas cancións e xogos da nosa lingua á vez que pasamos un pedazo realmente divertido...
Queremos dar grazas ao Concello de Moeche por ofrecernos esta posibilidade.
Xa somos un pouco máis medievais, xa temos listos os nosos escudos seleccionados do concurso.
Os gañadores son:
Reino Modestino: Sofía Sabio López
Territorio Os sabios: Candela Bello Otero
Territorio Irmandiños: Alexis López López
Territorio A Torre de 1º e 2º: Clarís Moledo López
Territorio Os coelliños: Sandra Fernández García
Territorio Historicolandia: Valeria Casas Breijo
As nenas e nenos de 3º a 6º realizaron un proxecto durante estas semanas consistente en teatralizar varias lendas medievais.
En primeiro lugar, baseándonse en libros da nosa biblioteca contextualizaron varias lendas dentro da época en cuestión. Logo, traballando en grupos e despois dunha escolla, analizaron a lenda e adaptaron os seus textos a un guion teatral. Xa só quedaba poñerse as mellores galas e a interpretar!!!
As narracións escollidas son: Robin Hood, O cantar de Mío Cid, A cantiga de Roldán, Os cabaleiros da mesa redonda e Romeo e Xulieta.
Hoxe tivo lugar a estrea mundial na biblioteca para o resto de compis e profes do cole, pero temos todas elas en vídeo para que poidades desfrutar das mesmas!
O mércores, xoves e venres de esta semana puidemos desfrutar dun taller sobre as nosas emocións. A rapazada estivo aprendendo a identificar as emocións, a expresalas e a xestionalas mentres xogaban todos xuntos.
Dende o centro damos as gracias a GestiónPlus e ao concello de Moeche por achegar aos nosos nenos e nenas unha aprendizaxe tan necesaria e enriquecedora.
Podedes ver todas as fotos dos talleres premendo aquí.
Como xa é tradición, as cousiñas de Entroido comezan no San Ramón uns días antes... Para abrir boca presentamos ao Meco Pepe, que hoxe apareceu nos corredores do centro co primeiro mandato. As nenas e nenos terán que estar moi atent@s e cumprir todas as ordes que vaian dando se non queren probar algunha das súas trasnadas!
Iso si, o plan será queimalo o vindeiro venres 28 na festa de toda a comunidade educativa, previa lectura de coplas as cales vos animamos a participar. Haberá unha menciòn para aquela familia que realice a copla máis orixinal ao noso Meco.
Por outra banda, como manda a tradición, dito venres tamén teremos un concurso con varias categorías de premios para as familias que se animen a facerlles o día un pouquiño máis feliz aos nosos/as peques. Haberá quen consiga desbancar á parella máis aclamada do pasado ano: Barbie e Ken? Veremos de novo grandes comparsas como as que nos tedes acostumados?? Sexa como sexa, a poñerse algo que teñades por casa e a pasalo ben!
ADMISIÓN DE ALUMNADO - CURSO 2025-2026
O prazo de presentación das solicitudes será do 1 ao 20 de marzo, ambos incluídos.
Formas de presentar a solicitude:
A solicitude pode presentarse cuberta no centro ou ben presentala de forma electrónica a través da aplicación "admisionalumnado" identificándose con Certificado Dixital ou Chave 365(Procedemento ED550B)
Documentación a presentar xunto coa solicitude:
- DNI do alumn@(en caso de telo) e dos membros da unidade familiar.
- Libro de familia
- Certificado de matrícula(só en caso de vir doutro centro educativo)
- Resolución xudicial en caso de separación ou divorcio dos proxenitores.
Normativa relacionada
O pasado xoves 13, celebrouse o día mundial da Radio. Na nosa biblio quixemos contar coa presenza de José María Bará, para formar ao noso alumnado neste apaixonante mundo.
José María é un experto técnico e locutor de Radio con 25 anos de experiencia no mundo da radiodifusión. Traballou na Cadena Ser, 40 Principales, Cadena 100...entre outras. Traballou como locutor, director, redactor, presentador... e actualmente é provedor de contidos de audio que compatibiliza coa realización de obradoiros en centros educativos.
Foi unha mañá intensa pero moi proveitosa para seguir creando na nosa Radio 23.
Last Friday, we celebrated Valentine's Day by recycling some puzzle pieces that represent our love for others.
Dentro do programa "A FGA nas aulas", Moeche foi unhas das escolas que desfrutou desta actividade. Membros da federación e da Escudería Moeche presentáronse no cole para contarnos un pouco máis deste deporte.
Ademais de falar membros da FGA tivemos a oportunidade de que os coñecidos modestinos Antonio e Lucía Amor, Moisés García e Juan José Sueiras narrasen a súa experiencia e traxectoria neste deporte.
E como colofón final puidemos subir no lexendario 124 de Antonio Amor e o Saxo Kit Car de Sueiras.
Deixamos a nova que publicou a entidade na súa web:
Compartimos con vós un podcast creado polo alumnado de 5º e 6º de primaria para participar no Día da Radio de Ponte nas Ondas. A temática era o cambio climático e, tras un proceso de investigación, este é o orixinal resultado!
Hoxe traemos unha tarefa interesante que realizou o alumnado de 5º e 6º. A actividade consistía en crear un audioconto. Para iso escribimos un conto respectando as súas diferentes partes, logo gravamos co programa Audacity o audio para traballar a expresión oral ademais da escrita e, por último, xogamos con efectos de son para darlle un pouco de ambiente e creatividade á nosa historia. Esperamos que vos gusten!
Que máis podería pasar? (CANDELA)
Brut, o raposo (NUNO)
Para seguir avanzando no noso proxecto conxunto, o alumnado do CEIP A Barqueira e o noso fixeron unha videochamada. Na mesma, os maiores de cada centro era as encargadas/os de falar sobre a vestimenta típica de cada etapa (Castrexa e Medieval).
Aprendemos moito e de paso saudamos aos nosos/as amigos/as.
Como sabedes hoxe celebramos o día da paz, e no noso reino particular decidimos firmar un Tratado ao redor da táboa redonda, como facía o Rei Arturo.
Ademais compartimos o momento da merenda, fixemos voar as nosas pombas e enviamos as nosas mensaxes de paz.
Agora toca que nas vosas casas deseñedes un escudo para o Reino Modestino. Decidiremos cal representa mellor o noso reino. Debe cumprir estos elementos:
1.- Modestina
2.- Castelo
3.- Nome do colexio
4.- Libros
Poñede a vosa creatividade a disposición do Reino.
A pasada semana as nenas e nenos de 5º e 6º tiveron unha clase de Sociais algo diferente. Tocaba tratar o tema da poboación e para comprender mellor todos eses documentos que versan sobre este tema dirixímonos ata o Concello de Moeche, onde o persoal funcionario explicounos ás mil marabillas moitas cousas interesantes. Vimos os libros de rexistro civil e aprendemos algo de historia sobre esa temática con Pilar. Da mesma maneira, cruzando o corredor, Cristina informounos ao detalle o que era o padrón municipal, así como a documentación necesaria para obtelo. Incluso falamos do censo actual da localidade.
Así se aprende moito mellor. Mil grazas pola vosa atención chicas!
A semana pasada, Modestina antes de marchar deixoulles aos seus cativos/as un reto de reconquistar o seu propio castelo.
Para iso deben superar unha serie de retos para conseguir todo o necesario para gañar.
RESERVA PRAZA NO CENTRO ADSCRITO
O prazo de presentación de solicitudes será desde o 15 de xaneiro ata o 4 de febreiro.
As solicitudes tramitaranse a través da aplicación www.edu.xunta.gal/admisionalumnado.
As familias poderán cumprimentar as solicitudes de reserva de xeito manual empregando o formulario en papel ou a través da aplicación admisionalumnado no menú: Solicitudes > Reserva > Crear.
A solicitude deberase presentar no centro educativo de orixe ou en calquera dos lugares que establece a Lei 39/2015, do 1 de outubro, do Procedemento Administrativo Común, incluída a Sede Electrónica da Xunta de Galicia (https://sede.xunta.gal/detalle procedemento?codtram=ED550A), para o que se precisará de Chave365 ou certificado dixital, sendo esta a canle preferible de presentación.
Calquera dúbida poden poñerse en contacto coa dirección do centro:
Teléfono: 881930329 ou
Correo electrónico: ceip.sanramon.moeche@edu.xunta.es
Un ano máis, o CEIP SAN RAMÓN participa no cros comarcal que organiza XOGADE, programa da Consellería que promociona o deporte en idade escolar galego. Por segunda vez consecutiva tocaba desprazarnos a As Pontes, na zona da Fraga, que nos esperaba cun bo día para facer exercicio.
Coma sempre, Dani, o técnico de deportes do Concello acompañábanos e era o encargado de poñer a punto á rapazada cuns necesarios movementos de quencemento.
A partir de aí, disfrutar dunha xornada de carreira e convivencia con outros coles da contorna. Tras isto, desfrutar da merenda, uns xogos na Fraga e volta ao cole!
Agradecemos tamén ao Concello de As Pontes o detalle de convidar a todo o alumnado participante un avituallamiento final de carreira de froita e auga.
