Semana do libro

Queridas familias: Esta semana foi moi especial, a "semana do libro" , cun mercado solidario, un contacontos e un apadriñamento lector, como pratos principais! O martes, tivemos un día libre, e o mércores un montón de novas aventuras por contar. Dende hai un par de semanas,os mércores falamos un pouco de emocións, e esta vez tocou a tristeza, que despois representamos a través dun debuxo. Ao longo da semana, escribimos a receta da semana pasada, nun pequeno recetario que estamos a elaborar. E, finalizamos o venres, cun contacontos e o apadriñamento lector, onde os maiores estiveron lendo aos mais pequenos da casa. Se queredes desfrutar un ratiño en familia, premede no enlace. Boa fin de semana. Saúdos e apertas

DATCHBALL NA PISTA DE ABADE - CLIA

 O grupo de participación Irmandiñ@s do 23 ten unha nova proposta! 

🗓 O sábado 4 de maio organiza o I Torneo de Datchball do Concello de Moeche, cun máximo de 8 equipos participantes. 

🏐🏐🏐 Para participar tes que ter entre 6 e 15 anos, e formar un equipo de 5 persoas, mixto por sexo e idade. 

📝 Para inscribir o voso equipo tedes que enviarnos un correo a gpiamoeche@gmail.com indicando os nomes e idades de quen o integra! Recibiredes un correo de volta confirmando a vosa inscrición. Doado non? 

🤾🏼‍♀️🤾🏾‍♂️ O 4 de maio véremonos nas pistas de tenis de Abade ás 16.00. Estaremos xogando até as 19.00, aproximadamente, e despois compartiremos uns pinchiños 🍕 para recuperar enerxías 🔋

🏆 Pasarémolo en grande! Animádevos!

RADIO 23: Feira do 23 de abril de Moeche

 Nova entrega en radio 23!

Desta volta, as rapazas e rapaces do CEIP San Ramón queren informar e animar a todos a que vaiamos á Feira do 23, que xa case está aquí!

Obradoiro de cociña

Queridas familias: Esta segunda semana, xa que a primeira non a conto, temos moitas cousas que contar. Tocounos coidar a horta e recoller as leitugas, realizamos un obradoiro de cociña (barritas enerxéticas), observamos os vermes de seda a través da lupa para comprobar como van medrando, aprendemos algúns instrumentos musicais de percusión, xogamos un partido de fútbol,festexamos o aniversario de Santi, e algunas cousiñas mais. Se queredes velo, premede no enlace. Saúdos e apertas PD: Esta semana, por despiste da profe, fixemos o obradoiro nun momento en que Vicen non está na aula... No próximo obradoiro será o protagonista principal.

Andainas do terceiro trimestre

Queridas familias: Neste video poderedes desfrutar dos primeiros días de escola do terceiro trimestre: algún momento da asamblea, tarefas relacionadas coa loxicamatematica ou a lectoescritura! Tamén un obradoiro de elaboración de gorros de cociñeir@s para realizar as nosas receitas saudables, e tamén algúns momentos de xogo libre. Esperamos que o desfrutedes en familia. Saúdos e apertas

MODIFICACIÓN DA SOBREMESA 16/4

 A sobremesa prevista para o 24 de abril, amorodos con iogur natural, servirase o día de mañá martes, 16 de abril.

Desculpade as molestias.

O REGRESO DE CHISTÍN

2ª CATEGORÍA:SEMANA DO 22 AO 26 DE ABRIL

Chistes de galegos

En breve poderedes dar o voso voto no blogue a un destes finalistas dende o luns 22 ata o venres 26.

PARTICIPARON NA CATEGORÍA: MOI BEN CHICOS E CHICAS

 

INFANTIL: Breogán, Santi, Antía, Briana, Anxo, Isabella, Adrián, Iván, Noa, Erin e Gael

1º e 2º PRIMARIA: Ander, Paula, Martín, Sofía, Noel, Eric, Alexis, Alba, Mario, Leo, Karen e Uxie

3º e 4º PRIMARIA: Adrián, Valeria, Abraham, Julia, Lía, Niko, Asier, Sergio, Efrén e Estela

5º e 6º PRIMARIA: María, Óscar, Carolina, André, Estrela, Alex, Itziar, Candela, Lola e Oihane

 

Noraboa aos gañadores da 1º categoría 

Estou a rir un montón cos vosos chistes

GAÑADORES 1ª CATEGORÍA

"ÁBRESE O TELÓN"

• ABRAHAM de 4º:

Ábrese o telón e aparece un chino tocando un arpa. Como se chama o actor? Alpa Chino

• OIHANE DE 5º:

Ábrese o telón e aparece unha actriz loira sen dentes bailando. Péchase o telón. Cal é o nome da actriz? Marilyn Non Roe

• UXUE DE 1º:

Ábrese o telón e aparece unha chica duchándose sen xel. Péchase o telón. Cal é o nome da actriz? Kim BasinxelG

GAEL DE INFANTIL:

Ábrese o telón e aparece un neno tirando un pedo. Como se chama a película? A todo gas

 

O REGRESO 

DE      CHISTÍN

 Queridos nenos, nenas e familias, aquí volvo un ano máis a retarvos para que participedes no meu concurso: "CONCURSO DE CHISTES"

 Como participar?

Colle unha nube de Chistín, pon nome, curso e escribe o teu chiste que debe ser da CATEGORÍA indicada.

Non esquezas a BOA LETRA e coida a ORTOGRAFÍA porque este ano veño 

MOI ESIXENTE 

A continuación entrégallo ao teu mestre ou mestra que mo dará a mín para velo e publicalo no corredor do colexio.

EN CADA CATEGORÍA HABERÁ 4 FINALISTAS QUE PASARÁN Á GRAN FINAL.

AH, poderes votar dende o blogue.

Haberá premios para aqueles nenos e nenas que participen en TODAS AS CATEGORÍAS. 

                    COMEZAMOS.......

1ª CATEGORÍA:SEMANA DO 15 AO19 DE ABRIL

Abrese o telón .......

BECAS E AXUDAS A NEAE

 BECAS E AXUDAS NEAE

Saiu publicada a resolución definitiva da convocatoria de NEAE 2023/24 para que os alumnos/as poidan presentar recurso de reposición.

A solicitude poderá tramitarse de dous xeitos:

Xeito presencial:

• REXISTROS DA ADMINISTRACIÓN DO ESTADO

• REXISTROS DA ADMINISTRACIÓN AUTONÓMICA

• REXISTROS DO CONCELLO E DA DEPUTACIÓN

• CORREO POSTAL (ORDINARIO E CERTIFICADO)

Xeito telemático:

• No seguinte enlace: https://sede.xunta.gal/portada (ten que estar autorizado: CHAVE 365)

  MODELO SOLICITUDE 

Folleto de vida saudable.

Os nenos e nenas de 2º de primaria, acompañados dos seus compañeiros de 1º, estiveron estes días a repartir un traballo que estiveron elaborando dende hai unhas semanas. Despois de moito investigar e estudar, realizaron un folleto moi interesante no que resumen en 6 puntos chave o que temos que facer para ter saúde.

Despois de repasalo e poñelo bonito, fixeron entrega dos mesmos a toda a comunidade educativa (alumnado, profesorado, cociñeira, persoal de limpeza...).

Deixamos algunhas fotos dos días da entrega.

A PORTA AO MUNDO DA LOUCURA (AUDIOCONTO)

"A porta ao mundo da loucura" é o título que escolleu María par ao seu conto na materia de Lingua Galega. Unha historia realmente estarrecedora a que nos mostra a alumna de 6º. 

Podedes escoitala neste audioconto!

AUTORA: María

TÉCNICO DE SON: Iván

AXUDANTE: Álex

VAI DE CONTOS!

Na clase de 5º e 6º estamos a traballar a creación de contos, tanto en galego como en castelán. Velaquí tedes algunhas probas do mesmo (e chegarán máis):

UN CASO SEN RESOLVER

Autora: Carolina

Gravación i edición: Carolina, Itziar e Lola

MANUEL Y FERNANDO

Autor: Óscar

Edición e gravación: Óscar, Estrela e Candela

ANXO EN EL LABORATORIO

Autor: Héctor

Edición e gravación: Héctor, Oihane, Iván e Nuno

CLUBE DA COMEDIA

 O grupo de 3º e 4º quixo deleitarnos cunha rolda de chistes, actividade que se enmarca dentro da área de Lingua Castelá.

Pinchade na foto para ver o vídeo.

OBRADOIRO DE INSECTOS

 Este venres recibimos a visita de Miguel Santamaría, biólogo e entomólogo santiagués.

Gracias ao seu obradoiro puidemos aprender e coñecer máis sobre uns pequenos seres vivos: os insectos.

Quedamos abraiados observando, tocando e collendo, con total seguridade, un bicho pao, dous insectos follas (cunha excepcional camuflaxe), escaravellos, tartarugas, saltóns e milpés xigantes, bolboretas de gran tamaño chuchando o zume dun plátano e ata unha tarántula de pata raiada.

Tamén vimos un escorpión que na escuridade cambia de cor coa luz, caracois xigantes e un cangrexo ermitán que se animou a dar uns pasiños polo chan da biblioteca.

Gracias a este obradoiro, ademais de coñecer estas especies exóticas de África, Madagascar, México..., puidemos vencer os nosos medos e prexuízos e recoñecer a súa importancia nos ecosistemas. 

Desfrutamos moitísimo!

Pinchade na foto para ver o vídeo e no enlace se queredes ver máis fotos deste día.

MÁIS FOTOS

PUNTO LARANXA

 

PUNTO LARANXA NOS CENTROS EDUCATIVOS

A Consellería vén de publicar o “Plan Integral contra o acoso e ciberacoso escolar” así como a actualización do “Protocolo educativo para a prevención, detección e tratamento do acoso e ciberacoso escolar”. En relación con isto, da instruccións aos centro educativos para a creación e posta en funcionamento do PUNTO LARANXA tanto físico como virtual.

O punto laranxa é  unha medida impulsada pola Xunta de Galicia para intentar erradicar o acoso e ciberacoso nos centros educativos grazas á colaboración de alumnado, docentes, familiares e outras persoas próximas á comunidade educativa. O anonimato constitúe un refuxio seguro á hora de denunciar facilitando así o destape dos acosos.

-       Respecto ao punto laranxa físico do noso centro, estará situado no patio cuberto a carón da porta da biblioteca no lado dereito. Aquí podedes de xeito anónimo meter unha mensaxe no buzón indicando a túa preocupación. Só poderá abrilo a persoa encargada desta tarefa e terá un carácter estrictamente confidencial.

-        O punto laranxa virtual está na páxina web do centro, nun acceso directo no lateral dereito da páxina principal. Ao premer nel, abrirá un pequeno cadro de texto no que podes de xeito anónimo indicar a túa preocupación. Ao igual que o punto físico só poderá ser lido pola persoa encargada e terá igualmente un carácter confidencial.

E   Enlace á páxina web do centro para acceder ao punto laranxa.

https://www.edu.xunta.gal/centros/ceipsanramonmoeche/

 

 

Calquera dúbida ao respecto, podedes poñervos en contacto coa dirección do centro. Agardamos que esta medida sexa usada correctamente para que de bos resultados.

 

8M

Coincidindo coas datas do 11 de febreiro (Día da muller e a nena na Ciencia) e o 8 de marzo (Día da muller) fixemos moitas actividades:

VISITA DE FARRUCA

Unha científica que lles gusta moito ás nenas/os de infantil e que sempre trae un experimento. Nesta ocasión crearon unha especie de plastilina con elementos da nosa vida cotiá.

POLOS CREATIVOS

A través dos Polos Creativos as maiores do centro, tras unha gran pescuda, elaboraron unha actividade onde o resto da rapazada do cole tiñan que coñecer e tratar de adiviñar unha serie de mulleres científicas que destacaron en varios campos.

EXPOSICIÓNS

Na materia de Naturais tamén estivemos traballando duro sobre mulleres científicas, adicándolles unha gran exposición das súas vidas e logros importantes. Ademais, podedes ver diferentes creacións artísticas coas cales podemos xogar.

Contacontos "Ratoncito Pérez"

 O pasado venres, os nenos de 1º e 2º de Primaria sorprenderon a todo o cole representando un conto sobre o rato Pérez. Non soamente fixeron disfrutar ós nenos e nenas coa divertida historia de cómo este intrépido animaliño comezou a recoller os dentes, senón que nos deixaron a todos abraiados ó saber que tamén foran eles os que fixeran os monicreques e os obxectos que aparecían na obra.

A verdade é que o fixeron xenial! Agardamos que repitan prontiño xa que nos deixaron con ganas de máis.

Se queredes ver a obra completa podedes facelo AQUÍ

NORABOA RAPACES E RAPAZAS!

UNHA XORNADA MOI ESPECIAL

O alumnado de 6º, na materia de Valores Cívicos e Sociais, propuxo a realización dun pequeno proxecto consistente en concienciar á veciñanza do municipio en torno ao coidado do medio ambiente, aos hábitos de vida saudable e a nosa saúde mental.

Tras solicitar por mail permiso ao Concello de Moeche, fomos realizar un roteiro no cal paramos e pegamos carteis nos supermercados de San Ramón, a correduría de seguros, nave da feira, pavillón polideportivo e edificio consistorial. Queremos dar as grazas Cris, Iria, María, Natalia, Pilar e Bea por permitirnos facelo e axudarnos.

Outro lugar no que solicitamos colgar os carteis foi na Casa Niño e Casa do Maior de Casabranca. Laura e Vanesa recibíronnos cos brazos abertos para que esta xornada se convertese nunha inesquecible para a rapazada de 5º e 6º. Cos máis pequenos tivemos a ocasión de xogar un montón e agora xa somos un pouco máis amiguetes. Sabemos que a Hugo, o máis pequeno da casa, encántalle que o collamos no colo. Con Aitana bailamos, cantamos e corremos, ao igual que con Lucas, que acabou por deitarse enriba dos seus futuros compis de cole. Mariña e Sandra, que ao principio amosaban algo de vergoña, ao final foron quenes nos ensinaron un montón de xoguetes, e un súper truco coas telas da cociniña.

Outra situación moi especial foi compartir parte da mañá coas "chicas" da Casa do Maior. Un intercambio xeracional do cal saímos con moitísimo aprendizaxe. Sorprendeunos a cantidade de manualidades e traballos que fan, incluso temos planificada unha clase de Educación Física nun futuro próximo. Carme contounos como era no pasado traballar para empresas que hoxe en día son grandes multinacionais. Celsa contounos unha chea de refráns e quedamos alucinados/as coa destreza que ten Asun coas mandalas. Por último, Casilda foi a encargada de poñer o baile e canto no asunto, e incluso de lernos un dos seus contos favoritos!!!

SEN DÚBIDA UNHA EXPERIENCIA PARA REPETIR!!!