RECEITARIO POPULAR DA CONTORNA

Estimadas familias, este ano temos o pracer de formar parte do programa "Lectura e familias", no cal iremos propoñendo diferentes actividades e obradoiros onde poderán participar tanto o alumnado coma as familias.

En primeiro lugar, gustaríanos elaborar un receitario popular da contorna en galego a partires das aportacións feitas por cada unha das familias que queiran colaborar. 

      Unha vez teñamos un bo número de aportacións, editarase dito receitario, levaremos a cabo a súa impresión e divulgación na contorna e comunidade educativa. 

      

      Para colaborar, só teredes que mandar un correo electrónico a bibliotecaceipsanramon@gmail.com, ou ben, entregar a receita aos profesores a través do alumando. 

      Esperamos as vosas deliciosas receitas!

ESTA SEMANA EN METEOMOECHE

Antes de comenzar co deste semana queremos lembrarvos que seguimos recollendo fotos da neve para o especial que publicaremos a finais do inverno. Enviade as que teñades a "meteomoeche@gmail.com"

E mentres tanto...

O noso amigo André (5º de primaria) regálanos esta toma que sacou antes de ir ao cole pola mañá. Podemos comprobar que está todo o seu campo xeado, ademais que, pola cor das nubes, parece que choverá esa mañá.

A nosa teacher, habitual por estes lares, tráenos hoxe esta pedazo de foto, onde podemos ver un xogo de cores e luces moi interesante neses cúmulos que abrigan á cidade de Ourense.

Por último, pero non menos importante, vimos a comentar que ás veces o refraneiro falla. "Ceo empredado, mañá chan mollado". Pois desta vez non, o día despois da carreira de Cedeira non choveu...

RADIO E PAZ

Hai uns días participamos en "Radio e Paz", de Ponte nas Ondas, co seguinte podcast que falaba sobre a paz. 

PLANTACIÓN ÁRBORE

Hai uns días no centro tivemos a oportunidade de poder plantar unha árbore. Trátase dun piñeiro que nos regalou Alicia, nai do exalumno Daniel. Desde aquí queremos agradecerlle a amabilidade que tivo e ten sempre co noso colexio. Coidaremos a árbore para que sexa parte da escola para sempre.

Tamén lle queremos dar as grazas a Pedro, operario do concello, que axudou á rapazada na plantación e incluso deulles unha serie de consellos para o seu coidado.

 

ENTROIDO 2023

Finalizamos esta semana cunha gran festa de Entroido onde houbo un pouco de todo...

Comezamos a mañá cun pasarrúas onde nos acompañaron as familias andando ata o Concello de Moeche ao ritmo de "O entroido move o corpo" de Paco Nogueiras. Unha representación da revolta irmandiña, na cal os máis peques conseguiron asaltar a casa consistorial e botar aos señores/as feudais fóra. Máis canción e baile e para o cole a tomar a merenda!!!

Acto seguido comezaba o esperado desfile e concurso de disfraces das familias. Todos/as as participantes estiveron xenial pero destacaron un pouco por enriba do resto o pequeno Xián, as señoras do súper, a familia co arado e o pintor coa súa obra:

No concurso de coplas (cabe destacar que foron dun gran nivel) foi premiada a de Óscar, de 5º de primaria, unha composición que non deixaba profe con cabeza...

Tras o divertido testamento que leron a rapazada de 3º e 4º no nome do Meco Andrés, tocou queimalo e despedir esta festa ata o vindeiro ano.

MILES DE GRAZAS A TODAS AS PERSOAS QUE NOS ACOMPAÑASTES NESTA FERMOSA XORNADA ONDE, UNHA VEZ MÁIS, VIVIMOS COMO A GRAN FAMILIA QUE SOMOS.

Deixamos un vídeo resumo cos momentos do día:

DÍA DE ROSALÍA

 

CELEBRAMOS 

O DÍA DE ROSALÍA

EDUCACIÓN INFANTIL

1º E 2º PRIMARIA

 

 

 

5º E 6º PRIMARIA

 

CAMPO A TRAVÉS 2023

Por fin volvemos a xuntarnos con outros coles para facer as carreiras de campo a través que tanto nos gustaban...

Este ano tocaba volver a Cedeira para disfrutar dunha agradable xornada onde competimos con outros nenos/as, pero sobre todo disfrutamos do deporte.

As nenas e nenos fixérono xenial e, como premio, aproveitamos o gran día que fixo na fermosa entorna que nos ofrecía a vila...

Por suposto darlle as grazas ao noso querido Dani, técnico de deportes do Concello de Moeche, que unha vez máis se ofrecía para acompañarnos nesta xornada.

Aquí tedes algunha fotografía:

FOTOS

XORNADA DE PORTAS ABERTAS

 

ESTA SEMANA EN METEOMOECHE...

MeteoMoeche segue a recibir moitas fotos, GRAZAS! E lembrade que temos reservado un especial sobre a neve de cara a finais de inverno, polo que se ides a vela lembrade enviar foto a "meteomoeche@gmail.com". Polo de agora...

Comezamos vendo como apareceu parque do noso cole totalmente xeado a primeira hora estes días pasados. Foto da profe Yaiza.

Seguimos con teacher Alba que nos ofrece esta pedazo foto na cal podemos ver a lúa chea sobre un ceo rosado en Canido. Velázquez estaría orgulloso desta toma seguro

Curiosas e interesantísimas estas fotos que nos fai chegar Efrén desde As Pontes onde podíamos ver como estaba totalmente xeado nas zonas sombrías e o contrario nas soleadas. Grazas a este alumno de 2º, esperemos que gañaras ese partido!

Estrela, de 5º, quere ofrecernos esta marabillosa vista desde Pardiñas, onde podemos ver un fenómeno típico destas datas: a néboa.

A lúa chea tamén a "cazou" Sergio (3º primaria). Unha foto ben fermosa, por certo

E para rematar con moita tranquilidade, Andrea ofrécenos este "mar en calma" do cal desfrutou na parroquia do Porto, en Meirás.

CHEGA O ENTROIDO!

O Entroido xa chega e no cole comezan a pasar cousiñas... Hoxe apareceu no medio do corredor Andrés, o Meco do revés. Parece, que como xa ven sendo tradicional, imos ter un Meco que nos porá a proba a todo o centro. Vale máis que cumpramos os seus mandatos, pois ten pensado cubrir de fariña a quen non o realice!!!

CIENCIAS SOCIAIS NO CONCELLO!

O alumnado atópase estudando na área de Ciencias Sociais o tema da poboación. Na aula tentamos coñecer o que era o padrón, censo, rexistro civil... Pero, como xa sabemos, mellor vivilo que contalo. Así que alá fomos ao Concello de Moeche, onde nos recibiron Pilar e Cristina, facendo desta clase diferente unha sesión de aprendizaxe das que quedan na memoria. Aprendemos como funciona hoxe en día o tema dos recontos de poboación, padrón municipal, documentación... e incluso vimos rexistros civís desde 1948 ata os de hoxe en día (por suposto miramos as nosas páxinas).

MOITAS GRAZAS CHICAS!!!

MODIFICACIÓN DO MENÚ ESCOLAR 3/2/2023

 Debido a ausencia do cociñeiro o menú do 3 de febreiro verase modificado.

1º prato: Potaxe de verduras

2º prato: bocadillo de xamón serrano

Sobremesa: natillas e froita

Desculpade as molestias.